इलाम: इलामको सूर्योदय नगरपालिकामा एक जनामा कोरोना भाइरसको संक्रमण पुष्टि भएको छ ।

सूर्योदय नगरपालिका–१२ स्थित करफोक विद्या मन्दिरको क्‍वारेन्टिनमा बसेका १८ वर्षीय युवामा कोरोना संक्रमण देखिएको हो ।

उनी यही जेठ २५ गते भारतको सिलिगुडीबाट आएर क्वारेन्टिनमा बसेका थिए । यो सँगै इलाममा कोरोना संक्रमितको संख्या २ पुगेको छ । इलाममा यसअघि सोही यही क्वारेन्टिनमा बसेका एक जनामा कोरोना संक्रमण देखिएको थियो ।