धरान:मंगलबार धरानबाट १८ महिने बालकसहित २७ जनाले कोरोना जितेका छन ।
विपी कोइराला स्वास्थ्य विज्ञान प्रतिष्ठान धरानबाट १ महिलासहित २७ जनाले कोरोना जितेर डिस्चार्ज भएका हुन ।
डिस्चार्ज हुनेमा १८ महिने बालकदेखि ६० वर्ष उमेर समुहका रहेको प्रतिष्ठानका प्रवक्ता डाक्टर निदेश सापकोटाले जानकारी दिए । उनका अनुसार झापाका ४ मोरङका १८ सुनसरीका ५ जना डिस्चार्ज भएका हुन ।
सोमबार प्रदेश १ बाट मोरङका १३, उदयपुरका ४, सुनसरी ३, झापा २ र ते¥हथुमका १ जना डिस्चार्ज भएका थिए । यो सँगै धरानबाट कोरोना जितेर घर फर्कनेको संख्या १५५ पुगेको छ ।
यो सँगै प्रदेश १ मा कोरोना जितेर डिस्चार्ज हुनेको संख्या २८५ पुगेको छ । प्रदेश १ मा कोरोना संक्रमितको संख्या ४८३ छ । मंगलबार मात्र २० जना कोरोना संक्रमित थपिएका थिए ।
_1720278409.jpg)
