इटहरी :शुक्रबार नेपालमा थप ५ सय ९३ जनामा कोरोना संक्रमण पुष्टि भएको छ ।
स्वास्थ्य तथा जनसंख्या मन्त्रालयले दिएको जानकारीअनुसार पछिल्लो २४ घण्टामा थप ५९३ जनामा कोरोना पोजिटिभ देखिएको हो ।
मन्त्रालयका प्रवक्ता प्रा. डा जागेश्वर गौतमका अनुसार देशभरिका विभिन्न स्थानका प्रयोगशालामा गरिएको परीक्षणमा १०७ महिला र ४८६ पुरुषमा कोरोना संक्रमण पुष्टि भएको हो ।
यससँगै नेपालमा कोरोनाबाट संक्रमण हुनेको संख्या ११ हजार ७ सय ५५ पुगेको छ । यस्तै, नेपालमा कोरोनामुक्त हुनेको संख्या २ हजार ६ सय ९८ पुगेको छ । पछिल्लो २४ घण्टामा थप ४८ जना कोरोनालाई जितेर घर फर्किएका छन् ।
यसैगरी कोरोनाबाट ज्यान गुमाउनेको संख्या २७ रहेको छ ।
शुक्रबार कोरोनाका कारण थप एकजनाको मृत्यु भएको मन्त्रालयले जानकारी दिएको छ ।
_1720278409.jpg)
