धरान :सुनसरी स्थितधरान १३ को राई टोल पश्चिममा सर्दु खोलाले एक जनालाई बगाएको छ ।

केही दिन देखि परेको अविरल वर्षका कारण सर्दु खोलामा आएको बाढीले धरान १३ राई टोलमा बस्दै आएका अन्दाजी ६५ वर्षीय रामबहादुर बस्नेतलाई बगाएको इलाका प्रहरी कार्यालय धरानले जनकारी दिएको छ ।

घर उदयपुरको गाईघाट भएको र भूतपूर्व भारतीय सैनिक समेत रहेका रामबहादुर बस्नेतलाई आज ३ बजे तिर खोलाले बगाएको १३ नम्बर वडाध्यक्ष नेत्रप्रसाद काफ्लेले बताए । उनका अनुसार उनी सर्दु खोला पारी धान रोप्न गएको बेला खोलाले बगाएको हो ।

उनको खोजी कार्य भईरहेको प्रहरीले बताएको छ ।