धरान: सुनसरीको धरानमा बालयौन दुर्व्यवहार गरेको आरोपमा एक युवकलाई प्रहरीले पक्राउ गरेको छ । पक्राउ पर्नेमा धरान १७ का सुसन कालिकोटे भनिने सुरेश विश्वकर्मा रहेका छन् ।

उनले गत साउन १० गते साझँ करिब ७ बजे धरान १७ क्षितिज टोल बस्ने १० वर्षीय बालिकालाई सोही ठाउँको माध्यमिक विद्यालय नजिक एकान्त कुनामा यौन दुर्व्यवहार गरेको आरोपमा कालिकोटेलाई पक्राउ गरिएको इलाका प्रहरी कार्यालय धरानले जानकारी दिएको छ । उनलाई पिडित बालिकाका बुवाले दिएको उजुरीको आधारमा पक्राउ गरेको प्रहरीको भनाई छ ।

पक्राउ परेका युवकलाई सुनसरी जिल्ला अदालतमा म्याद थप गरी अनुसन्धान भईरहेको प्रहरीले जनाएको छ ।