धरानः क्वारेन्टाइनमा बस्न नमानेका एक भारतीय सैनिकको पिसिआर रिपोर्ट पोजिटिभ आएको छ ।
उनी केही दिन अघि भारतबाट आएका थिए । भारतीय सैनिक रहेका उनी आउने बित्तिकै क्वारेन्टाइनमा बसे पनि रिपोर्ट ढिलो आएकाले जबरजस्ती घरकै क्वारेन्टाइनमा बस्ने भन्दै घर आएका थिए । घर फर्किए पनि सुरक्षा नपनाउदा घरका आफन्त सहित छिमेकमा पनि कोरोना संक्रमण फैलिएका हुनसक्ने भएकाले परिवार त्रसित बनेको छ ।

उनको आज बिहान मात्रै रिपोर्ट आएको थियो । क्वारेन्टिन व्यवस्थापन समितिले सम्झाउने प्रयास गर्दा पनि नमाने पछि घरमा क्वारेन्टिन बस्ने, अन्यसँग भेटघाट नगर्ने सर्तमा उनलाई घर पठाइदिएका थिए । रिपोर्ट आउन्जेल सम्म उनी क्वारेन्टाइनमा बस्न नमानेकै कारण अहिले छिमेकी सहित परिवार पनि संक्रमणको जोखिममा रहेका छन् ।
वडा नं १९ स्थित यलम्बर चोकमा उनी फुपु सासुको घरमा भाडामा बस्ने गर्दथे । सोही घरमा अन्य २ परिवार पनि भाडामा छन् भने घरधनीको पनि परिवार बस्छन् । १९ का वडाअध्यक्ष पुर्ण लिम्बुले भने, उनी एन्फा क्वारेन्टिनबाट निस्कने बित्तिकै त्यही नजिकै रहेको ससुरालीतर्फको आफन्तको घरमा पनि गएका थिए । त्यहाँबाट उनले आफन्तको टेम्पोमा चढेर घर आएको भन्ने जानकारी दिएको थिए । उनको कन्टायाक्टमा रहेका सबैको स्वाव परिक्ष्णको तयारी भइरहेको उनले बताए ।