बालाचतुर्दशीमा ‘शतबीज’ छर्न रामधुनीमा हजारौँ श्रद्धालुको घुइँचो (भिडियोसहित)

  • मंसिर २०, २०७५
  • १८५ पटक पढिएको
  • प्रदेश पोर्टल
alt

इटहरीः सुनसरीको रामधुनी नगरपालिकाको वडा नम्बर ४ मा रहेको ऐतिहासिक रामधुनी मन्दिरमा आज हजारौँ भक्तजन पुगेका छन् । बालाचतुर्दशीको दिन पितृलाई सम्झेर शतबीज छर्ने भक्तजनका कारण मन्दिर परिसरमा बिहानैबाट भीड भएको थियो ।

मंसिर कृष्ण चतुर्दशीको दिन हरेक वर्ष वैदिक सनातन हिन्दू धर्मावलम्बीहरूले बालाचतुर्दशीमा शतबीज छर्ने गर्छन् । शतबीज भनेको विभिन्न किसिमका सय थरीका अन्नको बीउ हो । तर, सय थरीका अन्न नपाइने हुनाले सात थरीका अन्नको बीउ अर्थात् सप्तबीज छर्ने चलन बढेको छ । सप्तबीजमा धान, जौ, तिल, गहुँ, चना, मकै र कागुनो पर्छन् ।

आजको दिनमा शतबीज छरेमा धेरै पुण्य मिल्ने विश्वास गरिन्छ । धार्मिक आस्थाका आधारमा आएका भक्तजनहरूले गर्दा रामधुनी मन्दिरमा बढी भीड देखिएको थियो । मन्दिरभन्दा २ किलोमिटर वरै सवारी पार्किङ गरेर व्यवस्थित गर्न खोजिएको मन्दिरमा पैदल यात्रीहरूको पनि अत्यधिक भीड थियो ।

२० हजारभन्दा बढी भक्तजनले छरे शतबीज
लामो समयदेखि रामधुनीमा बालाचतुर्दशीको दिन लाग्ने मेलाको रिपोर्टिङ गर्दै आएका नेपाल टेलिभिजनका पत्रकार कृष्ण भट्टराईका अनुसार आजको भीड सबैभन्दा ठूलो हो । पत्रकार भट्टराईमात्रै होइन श्री रामधुनी बाबा बनखण्डी मन्दिर गुठी व्यवस्थापन समितिका अध्यक्ष डिल्ली कार्कीले पनि आजको भीड ऐतिहासिक भएको बताए । उनले भने, ‘त्रेता युगमा भगवान रामले धुनी जगाएर बनाएको रामधुनीको महत्व बुझ्नेहरू बढ्दै गएकाले भक्तजनहरूको सङ्ख्या पनि बढ्दै गएको छ ।’ आज २० हजारभन्दा बढी भक्तजनहरू आएको अनुमान व्यवस्थापन समितिले गरेको कार्कीले बताए ।

भारतीय तीर्थयात्री पनि बढ्दै
इटहरीबाट १६ किलोमिटर तथा झुम्का बजारबाट ८ किलोमिटर टाढा रहेको रामधुनी मन्दिरमा शतबीज छर्न आउने भारतीयहरू पनि बढेका छन् । आज भेटिएका भारतको अररिया जिल्लाका कपित साहले आफू पहिलोपटक रामधुनी आएको बताए । भारतबाटै ७ जना साथीसँग आएको बताएका साहले रामधुनीको बारेमा धेरै भारतीयलाई जानकारी नै नभएको बताए । उनले भने, ‘मैले विराटनगरको साथीले भनेर मात्रै थाहा पाएँ । यसको प्रचार भएमा अझै करोडौँ भारतीय हिन्दूहरू आउने थिए ।’

ramdhuni  (2) ramdhuni  (3) ramdhuni  (5) ramdhuni  (4)

 

प्रतिक्रिया दिनुहोस

रिजालटासीकाे जमिनदार ...

धरानः रिजालटासी उद्याेगले मापदण्ड मिचेर पर्खाल लगाउँदा सम्म नियमनकारी निकाय चुपचाप बसेकाे विषयमा स्थ ...

काँकडभिट्टामा फागुन ...

इटहरीः २०६९ देखी हरेक दुई वर्षमा काँकडभिट्टामा आयोजना हुने कला साहित्य उत्सव यही फागुन १८ बाट हुने भ ...

सगरमाथा आरोही बस्नेत ...

विराटनगरः प्रदेश नम्बर एकका मुख्यमन्त्री शेरधन राईलाई सगरमाथा अाराेहि राेशा बस्नेतले सगरमाथाकाे ढुँग ...

इष्ट टुरिजम इभेन्ट म्यानेजमेन्ट एण्ड मिडिया प्रालिद्धारा प्रकाशित

प्रदेश पोर्टल डटकम

इटहरी उपमहानगरपालिका, सुनसरी, कोशी, नेपाल

  • कम्पनी दर्ता नं. १९४७९७/०७५/०७६
  • स्थायी लेखा नं. ६०६६४३६५८
  • सूचना विभाग दर्ता नं. ९३०/०७५–०७६
  • प्रेस काउन्सिल दर्ता नं. १७१/०७५–०७६
  • फोन नं.: +९७७ २५ ५८२६९०
  • मोबाइल नं.: +९७७ ९८४२०३७४०२
  • इमेल: pradeshportal@gmail.com
  • महाप्रबन्धकः बद्री भिखारी
  • प्रधान सम्पादक: राजेश विद्रोही
  • प्रबन्धकः देवान किराती
  • प्रबन्ध सम्पादकः प्रेमप्रसाद बास्तोला
  • सम्पादकः मिलन बुढाथोकी
  • डेस्क सम्पादकः खेमचन्द्र अधिकारी
  • अंग्रेजी डेस्क प्रमुखः विराट अनुपम
  • राजनीतिक/सामाजिक संवाददाताः विनय बाह्रकोटी
  • स्थानीय सरकार/कानुन संवाददाताः कृष्ण बहाब भट्टराई
  • संवाददाताः कविराज घिमिरे (धनकुटा)
  •   नमिन ढकाल(इलाम)
  •   बाबुराम वास्ताेला (संखुवासभा)
  • फाेटाे पत्रकारः गुरू ढकाल, वुलेट खतिवडा
  • स्वास्थ्य पृष्ठ संयोजकःडा. सुर्यबहादुर पराजुली (एमडी)
  • लोकसेवा पृष्ठ संयोजकः अनिल पोख्रेल (नायब सुब्बा)
  • लेखाः समीक्षा केसी

Copyright © 2018 / 2019 - pradeshportal.com All rights reserved