मकवानपुरः मकवानपुरको बकैया गाउँपालिकामा गए राति चट्याङ लागेर एकजनाको मृत्यु भएको छ ।

मृत्यु हुनेमा बकैया–११, आहालडाँडाका अन्दाजी ५५ वर्षीय आइतसिंह भोलन रहेका जिल्ला प्रहरी कार्यालय मकवानपुरले जनाएको छ ।

उनलाई घरमा बसिरहेको अवस्थामा चट्याङ लाग्दा घटनास्थलमै मृत्यु भएको जनाइएको छ । चट्याङ लागेर स्थानीय भीमबहादुर तामाङको गोठमा रहेको एउटा गोरु समेत मरेको प्रहरी नायब उपरीक्षक टेकबहादुर कार्कीले बताए । -रासस