इटहरीः उपाधि जित्ने आशा गरिएको अर्जेन्टिनाले कतार विश्वकप फुटबलको इतिहाँसमा ३२ बर्ष पछि पहिलो खेलमै हार व्यहोरेको छ ।
मंगलबार भएको खेलमा साउदी अरेबियासँग २–१ गोल अन्तरले पराजित हुँदै अर्जेन्टिनाले हारबाट विश्वकपको सुरुआत गरेको हो ।
दोहाको लुसाइल स्टेडियममा साउदी अरेबियाले अर्जेन्टिनाविरुद्ध २ – १ को जित निकाल्दै विजय शुरुवात गरेको छ ।
साउदीले अर्जेन्टिनाविरुद्ध पहिलो पटक जित हासिल गरेको हो । खेलको पहिलो हाफको दशौँ मिनेटमै अर्जेन्टिनाका क्याप्टेन लियोनल मेसिको पेनाल्टिबाट गोल गरेपछि अर्जेन्टिनाले अर्को गोल गर्न सकेन ।
प्रतिस्पर्धात्मक खेलमा सुरुआती अग्रता लिएपनि दोस्रो हाफको सुरुमै साउदी अरेवीयाले २ गोल गरेपछि खेल आक्रामक बनेको थियो ।
साउदीका साउद अब्दुलहामिदले अर्जेन्टिनाका लिन्ड्रो पारेडेसलाई पेनाल्टी क्षेत्रभित्र फउल गरेपछि भीएआरको सहायताले रेफ्रीले अर्जेन्टिनालाई पेनाल्टी दिएको हो । जसमा मेस्सीले सहजै गोल गरेका थिए । दोस्रो हाफमा साउदीले उत्कृष्ट पुनरागमन गर्यो ।
खेलको ४९ औं मिनेटमा सलेह अल शेहरीले गोल गर्दै साउदीलाई १–१ गोलको बराबरीमा ल्याएका थिए भने खेलको ५३ औं मिनेटमा सलिम अल्दावसरीले उत्कृष्ट गोल गर्दै साउदीलाई २–१ को जित दिलाए ।
त्यसपछि कुनै पनि टिमले गोल गर्न सकेनन् । यस जितसँगै समूह ‘सी’ को साउदीले पहिलो खेलमै ३ अंक जोडेको छ । साउदी समूहको शीर्ष स्थानमा रहेको छ । अर्जेन्टिना पुछारमा रहेको छ ।
यस हारसँगै अर्जेन्टिनाको ३६ खेलको अपराजित यात्रा समेत टुंगिएको छ ।
यस्तै अर्जेन्टिना ३२ वर्षपछि विश्वकपको पहिलो खेलमा पराजित भएको हो । सन् १९९० मा इटालीमा भएको विश्वकपमा अर्जेन्टिना क्यामरुनसँग पहिलो खेलमा पराजित भएको थियो ।
_1720278409.jpg)
