इटहरीः  लायन्स क्लव अफ इटहरी ग्रिन सिटी र लियो क्लव अफ इटहरी ग्रिन सिटीको आयोजनामा सोमबार इटहरीमा आइतबार यति एयरलायन्सको जहाज दुर्घटना हुँदा मृत्यु भएकाहरुको सम्झनामा शोक सभा भएको छ । 

आइतबार साँझ इटहरी चोकमा भेला भएका लायन्स र लियो क्लव ग्रिन सिटीका सदस्यहरुले पोखराको सेती खोँचमा यतिको जहाज खस्दा मृत्यु भएका ७२ जनाको सम्झनामा श्रद्धाञ्जली व्यक्त गर्दै दिप प्रज्वलन गरेका थिए । 

श्रद्धाञ्जली सभालाई लायन्स क्लव अफ ग्रिन सिटी इटहरीका अध्यक्ष दिलिप पराजुली र लायन्स इन्टरनेशनल डिस्टिक ३२५ सि का एरिया प्रमुख निर्मला चौधरीले शोक मन्तव्य राख्दै सम्पुर्ण शोक सन्तव्ध परिवार प्रति समवेदना प्रकट गर्दै स्वर्गियहरुको आत्माको चिर शान्तिको कामना गरे । 

कार्यक्रममा लायन्स र लियोका करिव ३ दर्जन पदाधिकारी तथा सदस्यहरुको उपस्थिती रहेको थियो ।