प्रेम बास्तोला
इटहरीः सुरिलो स्वर कै कारण पछिल्लो समय निकै नै लोकप्रिय बनेकी छन्, गायिका अन्जु गौतम । राजधानी बाहिर इटहरीबाट सांगेतिक यात्रा तय गरी काठमाडौंलाई कर्मथलो बनाई नेपाली सांगेतिक क्षेत्रमा निरन्तर संघर्ष गरिरहेकी गायिका गौतमले स्वर दिएका धेरै गीतहरु हिट भएसँगै उनी पनि यसबेला चर्चाको शिखरमा पुगेकी छन् । चर्चा बढेसँगै उनको स्टेच कार्यक्रमको व्यवस्तता पनि ह्वात्तै बढेको छ ।
उनले स्वर दिएका पूर्वेली लोकभाका झण्डै एक दर्जन गीतहरु यूटुबको ट्रेडिङ्घमै आएका छन । जसले उनलाई स्थापित गराउने काम गर्यो ।
उनको यूटुबमा समावेश गरिएका गीतहरु दर्शकहरु औधी मनपराईरहेका छन् । जसकारण उनको लोकगीत सृजनामै लगाब बढ्दै गईरहेको छ ।
सबै प्रकारका गीत गाउन सक्ने क्षमता बनाएकी गायिका गौतम आफुलाई लोक गायिकाकै रुपमा परिचित गराउन चाहान्छिन् । उनी यसबेला कोशी प्रदेशमा हुने महोत्सव, मेला र सांगेतिक कार्यक्रममा व्यस्त हुँदै आएकी छन् ।
उनी नयाँ ÷नयाँ गीत रेकर्डिङ्घसँगै स्टेच कार्यक्रममा समय मिलाएरै व्यस्त हुँदै आएकी छन । स्टेच कार्यक्रम र आफ्नो यूटुब च्यानल, टिकटक र फेसबुकमार्फत श्रोता दर्शकको राम्रो प्रतिक्रिया पाईरहेकोमा उनी दंग छिन् । श्रोता दर्शकको प्रतिक्रियाबाट आफुलाई थप उत्साह र हौसला मिल्ने गरेको उनको भनाई छ ।
चर्चासँगै स्वदेशमा मात्र नभई आधा दर्जन बाहिरी देशमा पुगेर आफ्ना लोकप्रिय सांगेतिक प्रस्तुती दिईसकेकी गायिका गौतमलाई बाँचुन्जेल लोकगीतमै रमाउने मन छ । नेपालमा भन्दा कलाकारहरुको भ्यालु विदेशमै राम्रो हुने गरेको गायिका गौतमले बताइन् ।
प्रायः कोशी प्रदेशमा हुने गरेका धेरै सांगेतिक कार्यक्रममा गायिका गौतमको सहभागीता अनिर्वाय जस्तै नै बनेको छ । कतिपय स्थानमा त आफुलाई नै पर्खेर आफ्नो समयअनुकुल नै आयोजकहरुले कार्यक्रमको मिति समेत तय गर्नुभएको उनी बताउँछिन् ।
सुरुका दिनहरुमा आफ्नै लगानीमा गीत रेकर्डिङ गरेको बताउने गायिका गौतम पहिला पहिला रहरले विना पारिश्रमिक नै स्टेच पाउन साथ गीत गाउँदै हिँडेको स्मरण गर्दै चर्चा बढेसँगै आफ्नो माग बढ्दै गएकोमा उत्साहित छिन् । श्रोता दर्शकको माग बढेसँगै आफ्नो पारिश्रमिक पनि बढेको उनको भनाई छ ।
सानै उमेरदेखि आफ्नै मेहनत र बलबुताले स्थापित भएकी गायिका गौतमका सबै सांगेतिक सृजनाहरु उनको आफ्नै यूटुब च्यानल अन्जु गौतम सर्च गरेर तपाई पनि हेर्न सक्नुहुन्छ । आफ्नो च्यानल ससक्राईभ गरी आवश्यक सल्लाह र सुझाव दिन उनले आम दर्शक श्रोतामा अनुरोध समेत गरेकी छन् ।
कर्णप्रिय स्वरकै कारण चर्चाको शिखर चुमिरहेकी गायिका गौतमलाई थप सफलताको कामना सहित हाम्रो पनि शुभकामना छ ।
