इटहरीः इटहरीमा फेरी अर्को होटेल थपिएको छ । नयाँ वर्षको अवसर पारेर आइतबार देखि संचलनमा आएको इटहरी– ६ मा स्थापित नयाँ होटेलको नाम हो ‘गार्डेन होटेल मादेन इन ।’
५ कट्ठा क्षेत्रफलमा फैलिएको उक्त होटेलको लगानी करिब १५ करोड रहेको सञ्चालक दोय मध्येका एक महेन्द्र मादेनले जानकारी दिएका छन् । दाजुभाइ महेन्द्र र प्रदीपले संयुक्त रूपमा सञ्चालन गरेको उक्त होटेलमा दुुइ दशक भन्दा लामो समय पाँच तारे होटेलमा व्यवस्थापकिय तहमा काम गरेको अनुभवसहितको सुविधा प्रदान हुने बताइएको छ ।
होटेलमा १६ ओटा डिलक्स, प्रिमियम, जुनियर स्वीटलगायतका रुमहरु रहेका छन् । ५० जना अंट्ने क्षमताको सेमिनार हल र करिब ५ सय व्यक्ति अट्न सक्ने गार्डेन ब्याङक्वीट समेत रहेको छ । सञ्चालक महेन्द्र मादेनले आफूले होटेल याक एन्ड यती, होटेल हिमालय लगायतका स्टार होटेलमा दुई दशक बिताएको जानकारी दिए ।
‘लामो समय गृह नगर बाहिर रहेर होटेल इन्ड्रस्टिजमा काम गरे पनि आफ्नो ठाउँमा सेवा दिने इच्छा भएर स्तरीय होटेल खोलेको हुँ ।’ उनले जानकारी दिए । उनले थप योजनामा सुनाउँदै भने– ‘थप रुम विस्तारसहित, एउटा स्वीमिङ पुल र ब्याङक्वीट थप्ने तयारी छौँ ।’
होटेल एसोसिएसन इटहरीका अध्यक्ष जीवन पराजुलीले स्तरीय होटेलको आगमनसँगै इटहरीको साख बढेको बताए । ‘इटहरीमा स्तरीय होटेल छैनन् भन्ने भ्रमलाई यस्ता होटेलले चिर्नेछ ।’ उनले भने– ‘आधुनिक सहरको विकाससँगै पर्यटकको रोजाइ अनुसारका होटेल आवश्यक छन् ।’
इटहरीमा साना ठुला गरी ४ सय बढी होटेल रहेको तथ्याङ्क रहेको छ ।
_1720278409.jpg)
