नौलो तरिकाले कवि कृष्ण पाख्रिनको सम्झना

  • श्रावण ११, २०७६
  • ६६४ पटक पढिएको
  • प्रदेश पोर्टल
alt

धरानः कार्यक्रममा न सभापति थिए, न प्रमुख अतिथि । त्यहाँ न अन्य अतिथिहरूको लस्कर नै थियो ।

मञ्च खाली थियो र मञ्चाभिमुख भएर बसेका थिए सबै निम्तालुहरू । यहाँ शनिबार यस्तो अनौठो कार्यक्रमको चाँजो मिलाएको थियो, कलरव धरानले र सन्दर्भ थियो– स्वर्गीय कवि कृष्ण पाख्रिनका प्रतिनिधि कविताहरूको सङ्कलन ‘कविताहरू’ को विमोचन कार्यक्रम ।

कार्यक्रमका सञ्चालक एवम् ‘लिम्बुनी गाउँ’ का स्रष्टा राज माङ्लाकले छोटो भूमिकापछि पूर्वका ९ जना कविहरूलाई पालैपालो मञ्चमा बोलाए । उनले बोलाएका कविहरू थिए– कुन्ता शर्मा, बम देवान, टीका आत्रेय, सन्तोष थेबे, सीमा आभास, राजेश विद्रोही, देवान किराती, रामप्रसाद खरेल र धिरज याक्दुङ । यिनै ९ जना कविहरूले पुस्तकको विमोचन गरे ।

कवि कुन्ता शर्माले छोटो संस्मरणसहित विमोचित सङ्ग्रहभित्रकै एउटा कविता सुनाएपछि कार्यक्रमले गति लियो । त्यसपछि तिनै कविहरूले छोटो मन्तव्यसहित विमोचित सङ्ग्रहबाट नै कविताहरू सुनाए । यस क्रमको अन्त्यमा कवि बम देवानले कवि पाख्रिनसँगको संस्मरण सुनाएर कविता वाचन गर्दै कार्यक्रम सम्पन्न भएको जानकारी दिए ।

कार्यक्रम पूर्ण रूपमा कवि पाख्रिनमै केन्द्रित थियो । कविहरूले उनका रचनाको शक्ति र सामथ्र्यबारे चर्चा गरेका थिए । त्यस क्रममा कवि देवानले कवि पाख्रिनका कविताहरू माक्र्सवादी सौन्दर्यशास्त्रमा आधारित भएको बताए ।

‘उनी वैचारिक रूपमा परिपक्व कवि थिए’, उनले भने, ‘उनले आफ्ना रचनालाई समाज परिवर्तनमा केन्द्रित बनाएका थिए ।’ त्यसअघि कवि पाख्रिनका छोरा सुदीप पाख्रिनले आप्mना बुबाको सम्झना गर्दै मन्तव्य राखेका थिए । उनी आफैँ पनि लोकप्रिय कवि हुन् । मन्तव्यको क्रममा उनले आफ्ना बुबाको स्मृतिमा कृष्ण पाख्रिन प्रतिष्ठामार्फत् अक्षयकोष स्थापना गरी साहित्य क्षेत्रको विकासमा योगदान दिने योजना सुनाए ।

कृष्ण पाख्रिन प्रतिष्ठानद्वारा प्रकाशित पुस्तकमा १६ वटा कविताहरू सङ्कलित छन् । कार्यक्रममा कवि पाख्रिनको कविता ‘एक टुक्रा बादल र सपना’ को भिडियो पनि देखाइएको थियो । सो भिडियोमा कवि सुदीपले नै आप्mना बुबाको कविता वाचन गरेका थिए ।

उपस्थित स्रोताहरूले ‘कविता–भिडियो’ बाट नयाँ स्वाद पाएका थिए । भिडियोको निर्देशन युनिक फोटोग्राफीका वीरेन सुब्बाले गरेका थिए भने अभिनय जीना तामाङले गरेकी थिइन् ।

krishna pakhrin news  (2)

प्रतिक्रिया दिनुहोस

निर्माण उपकरण जल ...

इटहरीः नेपाल निर्माण व्यवसायी महासङ्घले बढ्दो असुरक्षाका कारण निर्माण व्यवसायीले काम गर्ने वातावरण न ...

नेपाली भाषा,संस्कृति ...

इटहरीः उच्च शिक्षासंगै रोजगारका लागि नेपाली युवाहरु विदेशीन बाध्य छन् । कतिपय रहरले विदेशिएका छन् त ...

इटहरी प्रहरीका दुई ज ...

इटहरीः इलाका प्रहरी कार्यालय इटहरीमा कार्यरत दुईजना प्रहरी जवान पुस महिनाको उत्कृष्ट प्रहरी घोषित भए ...

इष्ट टुरिजम इभेन्ट म्यानेजमेन्ट एण्ड मिडिया प्रालिद्धारा प्रकाशित

प्रदेश पोर्टल डटकम

इटहरी उपमहानगरपालिका, सुनसरी, कोशी, नेपाल

  • कम्पनी दर्ता नं. १९४७९७/०७५/०७६
  • स्थायी लेखा नं. ६०६६४३६५८
  • सूचना विभाग दर्ता नं. ९३०/०७५–०७६
  • प्रेस काउन्सिल दर्ता नं. १७१/०७५–०७६
  • फोन नं.: +९७७ २५ ५८२६९०
  • मोबाइल नं.: +९७७ ९८४२०३७४०२
  • इमेल: [email protected]
  • प्रधान सम्पादक: राजेश विद्रोही
  • महाप्रबन्धकः बद्री भिखारी
  • प्रबन्धकः देवान किराती
  • प्रबन्ध सम्पादकः प्रेमप्रसाद बास्तोला
  • सम्पादकः मिलन बुढाथोकी
  • डेस्क सम्पादकः खेमचन्द्र अधिकारी
  • अंग्रेजी डेस्क प्रमुखः विराट अनुपम
  • मार्केटिङ प्रमुखः प्रकाश तिम्सिना
  •   (९८६२१२०९७१)
  • संवाददाताः कविराज घिमिरे (धनकुटा)
  •   नमिन ढकाल(इलाम)
  •   बाबुराम वास्ताेला (संखुवासभा)
  • फाेटाे पत्रकारः गुरू ढकाल, वुलेट खतिवडा
  • स्वास्थ्य पृष्ठ संयोजकःडा. सुर्यबहादुर पराजुली (एमडी)
  • लोकसेवा पृष्ठ संयोजकः अनिल पोख्रेल (नायब सुब्बा)

Copyright © 2018 / 2020 - pradeshportal.com All rights reserved