सुनसरी प्रहरीसमक्ष १ वर्षमा अभद्र व्यवहारसम्बन्धी धेरै उजुरी

  • श्रावण २७, २०७६
  • २२८ पटक पढिएको
  • खेमचन्द्र अधिकारी
alt

इटहरीः गत आर्थिक वर्षमा सुनसरीमा अभद्र व्यवहारसम्बन्धी धेरै उजुरी दर्ता भएका छन् । जिल्ला प्रहरी कार्यालय सुनसरीका अनुसार अभद्र व्यवहारसम्बन्धी उजुरी धेरै दर्ता भएका छन् । ३ सय ४२ ओटा त्यस्ता उजुरी परेकामा ४ सय ४८ पुरुष र १९ जना महिला पक्राउ गरिएको प्रहरीले जनाएको छ ।

लागूऔषधसम्बन्धी १ सय ८१ ओटा मुद्दा दर्ता भएका थिए । सो अपराधमा संलग्न २ सय ८९ जना पुरुष र ६ जना महिला पक्राउ परेका थिए । चोरी मुद्दामा १ सय ६५ उजुरी दर्ता हुँदा ती घटनामा संलग्न रहेको आरोपमा प्रहरीले २ सय २ जना पुरुष र ४ जना महिलालाई पक्राउ गरेको थियो ।

यौन अपराध पनि उल्लेख्य
यौन अपराधमा पक्राउ पर्नेको सङ्ख्या पनि सुनसरीमा उल्लेख्य रहेको छ । १ वर्षको अवधिमा सुनसरीमा जबर्जस्ती करणी शीर्षकमा १ सय ५ ओटा मुद्दा दर्ता भएका थिए । सो मुद्दाअन्तर्गत प्रहरीले १ महिला र ८३ जना पुरुषलाई पक्राउ गरेको थियो ।

त्यस्तै, जबर्जस्ती करणी उद्योगअन्तर्गत २२ ओटा मुद्दा दर्ता हुँदा १५ जना पुरुष पक्राउ परेका थिए । बाल यौन दुराचारमा भएका ३ ओटा उजुरीका आधारमा प्रहरीले ५ जना पुरुषलाई पक्राउ गरेको थियो । सार्वजनिक स्थानलमा यौनजन्य क्रियाकलाप गर्ने ३ जना महिला र ३ जना पुरुष पक्राउ परेका थिए । सो शीर्षकमा एउटा मुद्दा दर्ता भएको थियो । अपहरण गरी जबर्जस्ती करणी शीर्षकमा दर्ता भएको एउटा मुद्दामा १ जना पुरुष पक्राउ परेका थिए ।

सवारी ज्यानसम्बन्धी ८७ उजुरीमा ७० पुरुष र सवारीबाट अङ्गभङ्ग शीर्षकका १० उजुरीमा ८ जना पुरुष पक्राउ परेका थिए । साइकलको ठक्करबाट मृत्यु भएको आरोपमा परेको उजुरीमा १ जना पुरुष पक्राउ परेका थिए ।

अपराधमा महिलाको सङ्ख्या पनि बढ्दै
आपराधिक क्रियाकलापमा संलग्न हुनेमा महिलाको पनि ठूलै सङ्ख्या रहने गरेको पाइएको छ । कर्तव्य ज्यान मुद्दाका २७ उजुरीमा ४ महिला र ३४ जना पुरुष पक्राउ परेका थिए ।

मानव बेचबिखनसम्बन्धी १९ ओटा मुद्दामा २८ जना पुरुष र ९ जना महिला पक्राउ परेका थिए । मानव अपहरण तथा शरीर बन्धक शीर्षकमा परेका ७ ओटा उजुरीमा ३ जना महिला र ७ जना पुरुष पक्राउ परेका थिए । केही सार्वजनिक अपराधसम्बन्धी ६६ उजुरीमा ५ महिला र ६१ पुरुष पक्राउ परेका थिए ।

नागरिकतासम्बन्धी १० उजुरीमा ४ जना महिला र ९ जना पुरुष पक्राउ परेका थिए ।

पुरुषमात्रै पक्राउ परेका मुद्दा
जिल्ला प्रहरी कार्यालयका अनुसार केही मुद्दामा पुरुष आरोपीमात्रै पक्राउ परेका छन् ।

डाका शीर्षकका ७ मुद्दामा २२ जना पुरुषमात्रै पक्राउ परेका छन् । मोटरसाइकल चोरी शीर्षकका ३ मुद्दामा ११ जना पुरुष पक्राउ परेका छन् ।

ठगी शीर्षकका ३९ मुद्दामा ४७ जना पुरुष र जुवा शीर्षकका ११ मुद्दामा ८१ जना पुरुष पक्राउ परेका छन् । कालो बजारी गरेको अभियोगमा परेको एउटा मुद्दामा २ जना पुरुष र सरकारी छाप दस्तखत कीर्ते शीर्षकका ७ मुद्दामा २१ जना पुरुष पक्राउ परेका छन् । नक्सा कीर्ते गरिएको भनी परेको एउटा मुद्दामा १ जना र लागूऔषध तथा हातहतियार खरखजाना शीर्षकको २ ओटा मुद्दामा ४ जना पुरुष पक्राउ परेका छन् ।

चन्दा सम्बन्धी एउटा उजुरीमा ९ जना पुरुष पक्राउ परेका छन् । बिस्फोटक पदार्थसम्बन्धी ५ ओटा मुद्दामा ६ जना पुरुष, कुटपिट अङ्गभङ्ग शीर्षकका ३ ओटा मुद्दामा ३ जना पुरुष र हातहतियार खरखजनासम्बन्धी ९ ओटा मुद्दामा १७ जना पुरुष पक्राउ परेका छन् । चौपाया चोरीसम्बन्धी ३ ओटा मुद्दामा ३ जना पुरुष पक्राउ परेका छन् ।

महिलामात्रै पक्राउ परेका मुद्दा
प्रहरीका अनुसार केही मुद्दामा भने महिलामात्रै पक्राउ परेका छन् । गर्भ संरक्षणविरुद्धको कसुर शीर्षकका २ ओटा मुद्दामा ३ जना महिला पक्राउ परेका छन् । जातीय भेदभाव तथा छुवाछुत मुद्दामा १ जना महिला पक्राउ परेकी छिन् ।

विवाहसम्बन्धी मुद्दा
बहुविवाहसम्बन्धी ३२ मुद्दामा २६ जना पुरुष र १९ जना महिला पक्राउ पर्दा बालविवाहसम्बन्धी मुद्दामा २ जना पुरुष पक्राउ परेका छन् ।

अन्य मुद्दा
सार्वजनिक शान्तिविरुद्धको कसुर मुद्दामा १ सय ७४ जना पुरुष र ७ जना महिला पक्राउ परेका छन् । पशुपंक्षीसम्बन्धी कसुरका ६ ओटा मुद्दामा १२ जना पुरुष र १ जना महिला पक्राउ परेका छन् ।

ज्यान मार्ने उद्योग शीर्षकका ५५ ओटा मुद्दामा ७० जना पुरुष र १ जना महिला पक्राउ परेका छन् । बैंकिङ कसुरसम्बन्धी ४६ मुद्दामा २१ जना पुरुष र ३ जना महिला पक्राउ परेका छन् ।

लिखत छाप कीर्तेविरुद्ध परेको उजुरीमा भने कोही पनि पक्राउ नपरेको जिल्ला प्रहरी कार्यालय सुनसरीले जनाएको छ ।

 

प्रतिक्रिया दिनुहोस

निर्माण उपकरण जल ...

इटहरीः नेपाल निर्माण व्यवसायी महासङ्घले बढ्दो असुरक्षाका कारण निर्माण व्यवसायीले काम गर्ने वातावरण न ...

नेपाली भाषा,संस्कृति ...

इटहरीः उच्च शिक्षासंगै रोजगारका लागि नेपाली युवाहरु विदेशीन बाध्य छन् । कतिपय रहरले विदेशिएका छन् त ...

इटहरी प्रहरीका दुई ज ...

इटहरीः इलाका प्रहरी कार्यालय इटहरीमा कार्यरत दुईजना प्रहरी जवान पुस महिनाको उत्कृष्ट प्रहरी घोषित भए ...

इष्ट टुरिजम इभेन्ट म्यानेजमेन्ट एण्ड मिडिया प्रालिद्धारा प्रकाशित

प्रदेश पोर्टल डटकम

इटहरी उपमहानगरपालिका, सुनसरी, कोशी, नेपाल

  • कम्पनी दर्ता नं. १९४७९७/०७५/०७६
  • स्थायी लेखा नं. ६०६६४३६५८
  • सूचना विभाग दर्ता नं. ९३०/०७५–०७६
  • प्रेस काउन्सिल दर्ता नं. १७१/०७५–०७६
  • फोन नं.: +९७७ २५ ५८२६९०
  • मोबाइल नं.: +९७७ ९८४२०३७४०२
  • इमेल: [email protected]
  • प्रधान सम्पादक: राजेश विद्रोही
  • महाप्रबन्धकः बद्री भिखारी
  • प्रबन्धकः देवान किराती
  • प्रबन्ध सम्पादकः प्रेमप्रसाद बास्तोला
  • सम्पादकः मिलन बुढाथोकी
  • डेस्क सम्पादकः खेमचन्द्र अधिकारी
  • अंग्रेजी डेस्क प्रमुखः विराट अनुपम
  • मार्केटिङ प्रमुखः प्रकाश तिम्सिना
  •   (९८६२१२०९७१)
  • संवाददाताः कविराज घिमिरे (धनकुटा)
  •   नमिन ढकाल(इलाम)
  •   बाबुराम वास्ताेला (संखुवासभा)
  • फाेटाे पत्रकारः गुरू ढकाल, वुलेट खतिवडा
  • स्वास्थ्य पृष्ठ संयोजकःडा. सुर्यबहादुर पराजुली (एमडी)
  • लोकसेवा पृष्ठ संयोजकः अनिल पोख्रेल (नायब सुब्बा)

Copyright © 2018 / 2020 - pradeshportal.com All rights reserved