मोरङको निगुरो काठमाडौको भान्सामा

  • भदौ ७, २०७६
  • १९९ पटक पढिएको
  • उत्तम पोख्रेल
alt

बेलबारी: मोरङको पूर्वपश्चिम राजमार्ग देखि उत्तर तर्फको बनमा पाइने निगुराको माग काठमाडौँमा समेत बढ्न थालेपछि यहाँका स्थानीयले राम्रो आम्दानी गर्न थालेका छन् । मोरङको कानेपोखरी, लेटाङ भाउन्ने, लगायतका सामुदायिक बनमा पाइने निग्रो टिप्न बिहानै देखी झिमिक्क साँझ परुन्जेल स्थानीय बासिन्दाको भिड लाग्ने गर्छ ।

‘लगातार ११ वर्ष भयो यहाँ आएर निग्रो टिपेर थालेको’ मोरङको लेटाङ नगरपालिका–४ का जङ्गबहादुर तामाङले भने ‘यही बनले हाम्रो परिवार पालेको छ ।’ ज्याला मजदुरी गर्ने तामाङको परिवार अहिले निग्रो टिपेर दैनिक २ हजारसम्म कमाउने गरेको छ । तामाङ सहित उनकी श्रीमती गीता निग्रो टिप्ने गर्छन् । ‘हामीले टिपेको निग्रो बिक्दैन कि भन्नु पर्दैन । आजकाल निग्रो सिधै काठमाडौँ जान थाले पछि हाम्रो आमदानि राम्रो भएको छ ।’ उनले भने ।

छ जनाको परिवार चलाउन एवं छोराछोरीलाई पढाउन निगुरोको व्यापारले सजिलो बनाएको उनले बताए । निग्रो बेचेर नै मोरङको लेटाङ र कानेपोखरीका तीन सय बढी विपन्न परिवारको गुजारा चल्ने गरेको तामाङले जानकारी दिए ।
पढाई खर्च जुटाउने देखी घर खर्च जुटाउने उमेर समूहका स्थानीय ५ महिनासम्म जगलमै निगरोसंग रमाउँछन् । निग्रो टिप्दै गरेका प्रेमकुमार नेपालले १० वर्ष देखी वृद्ध भत्ता खाने उमेरका समेत यही जगलमै निग्रो टिप्दै गरेको भेटिने बताए । ‘कतिपयले लगानी र बचत पनि गरेका छन् । विगतमा सीमित मानिसहरूले टिपेको निग्रो खरिद गरेर अन्यत्र लैजानेहरू बढी भए पनि प्रत्येक वर्ष निग्रो टिप्नेको सख्या समेत बढ्दै गइरहेको छ ।’नेपालले भने ।

जगलको निगुरोको माग बढ्दै जान थाले पछि जनसेवा सामुदायिक र कमलपुर सामुदायिक वन उपभोक्ता समितिले ठेक्का लगाएर बेचेका छन् । दुई वटै सामुदायिक बनले एक लाख २५ हजारका दरले ठेक्का नै लगाएका छन् । उदय अधिकारी, बलराम राई र हिमाल राईले ठेक्का पाएका छन् । त्यही निग्रो पूर्वका धरान इटहरी, विराटनगर लगायतका ठुला सहर हँुदै काठमाडौँको कालीमाटीसम्म पु¥याउने गरेका छन् ।
दैनिक निग्रो टिप्नका लागि आउने धेरै भएकाले पनि यस क्षेत्र निग्रो सङ्कलन केन्द्रका रूपमा विकसित हुँदै गएको स्थानीय सचारकर्मी दिनेश सुब्बाले जानकारी दिए । स्थानीयले निग्रो टिपेर मुठा बनाएर साढे १२ रुपैयाँ प्रति मुठाका दरले बिक्री गर्छन् ।

लेटाङ–३ की अम्बिका विकले जङ्गलको निगरोबाटै छ जनाको परिवार चलेको बताइन् । निगुरोको सिजन सकिएपछि अरू बेला ज्याला मजदुरी गर्ने गरेको बताउँदै उनले भनिन् ‘निगुरोले घर खर्च चलाउन, छोराछोरी पढाउन र विभिन्न ठाउँमा लगानी गर्न सजिलो भएको छ । ज्याला मजदुरीको पैसाले मात्रै जीवन धान्न कठिन भइरहेको थियो ।’

लेटाङकै सावित्री विकले पनि जङ्गलमा त्यत्तिकै खेर गइरहेको निग्रो तरकारीका रूपमा बिक्री हुन थालेपछि परिवार चलाउन सजिलो भएको बताइन् । जेठदेखि असोजसम्म दैनिक परिवारका सबै जना निग्रो टिप्न आउने गरेको उनले बताइन् । ‘ज्याला मजदुरी गरेर परिवार चलाउन गाह्रो परिरहेका बेला जङ्गलको निग्रो गुजारा चलाउने भरपर्दो आधार बनेको ।’ विकले भनिन् ।

प्रतिक्रिया दिनुहोस

पहिलो पाइलाको आयोजना ...

इटहरीः संविधान दिवसको अवसर पारेर पहिलो पाइला नेपाल सुन्दरहरैंचा शाखाले आज नगरव्यापी माविस्तरीय वक्तृ ...

संविधान दिवसको अवसरम ...

इटहरीः सामाजिक सेवाका लागि युवा अभियान (वाइएसएस) नेपाल सुन्दरहरैंचाले सुन्दरहरैंचा ७ को गोठगाउँ चोकम ...

धरानमा भोलिबाट पर्यट ...

धरानः ‘सहभागी बनौँ, अवलोकन गरौँ’ भन्ने नारासहित शनिवारबाट धरानमा तीन दिने इस्ट टुरिजम मा ...

इष्ट टुरिजम इभेन्ट म्यानेजमेन्ट एण्ड मिडिया प्रालिद्धारा प्रकाशित

प्रदेश पोर्टल डटकम

इटहरी उपमहानगरपालिका, सुनसरी, कोशी, नेपाल

  • कम्पनी दर्ता नं. १९४७९७/०७५/०७६
  • स्थायी लेखा नं. ६०६६४३६५८
  • सूचना विभाग दर्ता नं. ९३०/०७५–०७६
  • प्रेस काउन्सिल दर्ता नं. १७१/०७५–०७६
  • फोन नं.: +९७७ २५ ५८२६९०
  • मोबाइल नं.: +९७७ ९८४२०३७४०२
  • इमेल: [email protected]
  • प्रधान सम्पादक: राजेश विद्रोही
  • महाप्रबन्धकः बद्री भिखारी
  • प्रबन्धकः देवान किराती
  • प्रबन्ध सम्पादकः प्रेमप्रसाद बास्तोला
  • सम्पादकः मिलन बुढाथोकी
  • डेस्क सम्पादकः खेमचन्द्र अधिकारी
  • अंग्रेजी डेस्क प्रमुखः विराट अनुपम
  • राजनीतिक/सामाजिक ब्युरोः विनय बाह्रकोटी
  • स्थानीय सरकार/कानुन ब्युरोः कृष्ण बहाब भट्टराई
  • संवाददाताः कविराज घिमिरे (धनकुटा)
  •   नमिन ढकाल(इलाम)
  •   बाबुराम वास्ताेला (संखुवासभा)
  • फाेटाे पत्रकारः गुरू ढकाल, वुलेट खतिवडा
  • स्वास्थ्य पृष्ठ संयोजकःडा. सुर्यबहादुर पराजुली (एमडी)
  • लोकसेवा पृष्ठ संयोजकः अनिल पोख्रेल (नायब सुब्बा)

Copyright © 2018 / 2019 - pradeshportal.com All rights reserved