विराटनगरः नेपाल भ्रमण वर्षको सन्दर्भ पारेर जानकी पोलिट्याङ्कले आफ्ना डिलर तथा बिक्रेताहरूलाई थाइल्याण्ड घुमाउन लगेको छ ।

देशभरका १३ जना डिलर तथा बिक्रेतासहितको टोली थाइल्याण्डका पर्यटकीय क्षेत्रको भ्रमणमा निस्किएको हो ।

४ रात ५ दिनको भ्रमणका सन्दर्भमा भ्रमण वर्षको प्रचार प्रसारसमेत गरिने उद्योगका सञ्चालक सन्तोष चौधरीले बताए । उनले भने, ‘हामीले भ्रमण वर्षकै टी–सर्ट लगाएर घुमफिर गरिरहेका छौं ।’ चौधरीले समूहमा घुमफिर गर्ने क्रममा मानिसहरूलाई समेत नेपाल भ्रमण वर्षबारे जानकारी गराउने गरेको सुनाए ।

जानकीले प्लाष्टिकको पोलिट्याङ्क, बकेट, तगारीलगायतका सामग्री उत्पादन गर्दै आएको छ ।