इटहरीकि कथाकार रीता ताम्राकारको चौथो कथाकृति ‘अनाम परिधि’ गृहनगरमा लोकार्पण

  • आश्विन ११, २०७६
  • ३२५ पटक पढिएको
  • प्रदेश पोर्टल
alt

इटहरीः विभिन्न तीन वटा कथाकृति निकालिसकेकी इटहरीकि कथाकार रीता ताम्राकारको नयाँ कथाकृति ‘अनाम परिधि’ आज इटहरीमा लोकार्पण भएको छ । चर्चित कवि तथा पूर्व सांसद कुन्ता सर्मा, कवि बद्री भिखारी, पूर्व प्राज्ञ तथा कवि विवश पोखरेल, कवि मनु मन्जील, कथाकार शरण राई र स्वयं कथाकार रीता ताम्राकारले आज दिउँसो तीन बजे कृतिको लोकार्पण गरे । सर्माको प्रमुख आतिथ्यमा इटहरीको कोसी सेन्ट जेम्स कलेजको सभाहलमा लोकार्पण समारोह भएको थियो ।

जिबी गजलले संचालन गरेको  लोकार्पण समारोहमा डाक्टर रामजी तिम्सीनाले ताम्राकारको कथाकृतिको बारेमा चर्चा गरेका थिए । तिम्सीनाले कथाकार ताम्राकारको कथा लेखन सुन्दर भएको बताए । पहिलोकृति ‘तुषारापात’ पछि आएका सबै कृतिहरूमा ताम्राकारले प्रगति गर्दै आएको भन्दै तिम्सीनाले तारिफ गरे ।

डाक्टर इन्दिरा मिश्र, कथाकार शरण राईले विराट अनुपमको प्रश्नमा प्यानल डिस्कसन गर्दै कथाकार ताम्राकारको कृति अब्बल भएको बताए । डाक्टर मिश्रले ताम्राकारका कथामा आदर्श पात्रहरू भएका र कथा लेखक काव्यिक भएको बताइन । कथाकार राईले ताम्राकारको तेस्रो कृति ‘संवेग’ पढेपछि आफू प्रभावित भएको बताउँदै कथा लेखनमा भाषाको राम्रो प्रयोग भएको बताए ।

इटहरी साहित्य सञ्चार प्रतिष्ठानको आयोजनामा भएको कार्यक्रमका सभापति कवि मनु मन्जिलले ताम्राकारको कथा लेखनको प्रगतिको कामना गरे । कार्यक्रममा बोलेका पूर्व प्राज्ञ तथा चर्चित कवि  विवश पोखरेलले ताम्राकारको कथाबाट आफू प्रभावित भएको बताउँदै सफलताको कामना गरे ।

यस्तै, कार्यक्रमकि प्रमुख अतिथि तथा सुनसरी क्षेत्र नम्बर १ कि पूर्व प्रत्यक्ष निर्वाचित सांसद कुन्ता सर्माले ताम्राकार राम्रो कथाकार भएको बताइन । आफूले आख्यान लेख्न नसकेको र पूर्वमा आख्यानमा कम महिला आएको समयमा ताम्राकारले कथा क्षेत्रमा राम्रो गरेको सर्माले बताइन । कथामा महिलालाई बलियो पात्रको रूपमा उभ्याउन र हिंसा नसहि विद्रोह गरेका पात्रहरू उभ्याएर कथा लेख्न सर्माले सल्लाह दिइन ।

समारोहमा इटहरी, धरान, विराटनगर, बेलबारी र आसपासका विभिन्न साहित्यकारहरूको उपस्थिति रहेको थियो ।

काठमाडौँको अक्सफोर्ड प्रकाशनले छापेको ‘अनाम परिधि’ कथा संग्रहमा २१ वटा कथाहरू रहेका छन् । २५० मूल्य रहेको पुस्तक कथाकारको चौथौँ हो । यस अगाडि उनले २०६१ सालमा ‘तुषारापात’, २०७३ सालमा ‘दृश्य परिदृश्य’ र २०७४ सालमा ‘संवेग’ नामक तीन कथा सङ्ग्रह प्रकाशन गरिसकेकी छिन ।

अब पाँचौँ कथासंग्रहको लागी आफूले काम सुरु गरेको कथाकार ताम्राकारले बताइन । प्यानल डिस्कसनमा सहभागी उनले आफूले घर, परिवार, समाजमा देखेका पात्र र चरित्रलाई कथामा उतारेको बताइन ।

reeta tamrakar itahari karyakram pradeshportal.com

 

प्रतिक्रिया दिनुहोस

नेपाली सेनाको ‘एक सि ...

धनकुटाः धनकुटामा नेपाली सेनाले ‘एक सिपाही, एक फलफूलको बिरुवा’ अभियानको प्रारम्भ गरेको छ ...

आयोजकलाई हराउँदै ब्व ...

बेलबारीः आयोजक नीलोलाई हराउँदै ब्वाइज युनियन काठमाडौ मोरङको भाउन्नेमा भइरहेको तेस्रो डाँगीहाट गोल्डक ...

निर्वाचन क्षेत्र नम् ...

धरानः निर्वाचन क्षेत्र स्थानीय पूर्वाधार विकासका लागि सुनसरीको क्षेत्र नम्बर १ मा सडक निर्माणलाई पहि ...

इष्ट टुरिजम इभेन्ट म्यानेजमेन्ट एण्ड मिडिया प्रालिद्धारा प्रकाशित

प्रदेश पोर्टल डटकम

इटहरी उपमहानगरपालिका, सुनसरी, कोशी, नेपाल

  • कम्पनी दर्ता नं. १९४७९७/०७५/०७६
  • स्थायी लेखा नं. ६०६६४३६५८
  • सूचना विभाग दर्ता नं. ९३०/०७५–०७६
  • प्रेस काउन्सिल दर्ता नं. १७१/०७५–०७६
  • फोन नं.: +९७७ २५ ५८२६९०
  • मोबाइल नं.: +९७७ ९८४२०३७४०२
  • इमेल: [email protected]
  • प्रधान सम्पादक: राजेश विद्रोही
  • महाप्रबन्धकः बद्री भिखारी
  • प्रबन्धकः देवान किराती
  • प्रबन्ध सम्पादकः प्रेमप्रसाद बास्तोला
  • सम्पादकः मिलन बुढाथोकी
  • डेस्क सम्पादकः खेमचन्द्र अधिकारी
  • अंग्रेजी डेस्क प्रमुखः विराट अनुपम
  • मार्केटिङ प्रमुखः प्रकाश तिम्सिना
  •   (९८६२१२०९७१)
  • संवाददाताः कविराज घिमिरे (धनकुटा)
  •   नमिन ढकाल(इलाम)
  •   बाबुराम वास्ताेला (संखुवासभा)
  • फाेटाे पत्रकारः गुरू ढकाल, वुलेट खतिवडा
  • स्वास्थ्य पृष्ठ संयोजकःडा. सुर्यबहादुर पराजुली (एमडी)
  • लोकसेवा पृष्ठ संयोजकः अनिल पोख्रेल (नायब सुब्बा)

Copyright © 2018 / 2019 - pradeshportal.com All rights reserved