भ्रमण वर्षको शुभारम्भ खोटाङ जिल्लाबाट

  • पुस ११, २०७६
  • ७९४ पटक पढिएको
  • प्रदेश पोर्टल
alt

दिक्तेल : भ्रमण वर्ष सन् २०२० को शुभारम्भ दिक्तेलबाट गरिएको छ । जिल्ला समन्वय समिति महासङ्घ प्रदेश नम्बर १ द्वारा बिहीबार आयोजित विशेष कार्यक्रमको जिल्ला समन्वय समिति महासङ्घका केन्द्रीय अध्यक्ष सीता सुन्दासले शुभारम्भ गर्दै खोटाङको पर्यटन प्रवद्र्धनमा सबैले ध्यान दिनु पर्ने बताउनु भएको छ ।
कार्यक्रममा सहभागीलाई दिक्तेल रुपाकोट मझुवागढी नगरपालिका–६ नेर्पास्थित भुलभुले दूधकुण्ड, रुवालुङ झरना, झाक्रीवास गुफालगायत धार्मिक तथा पर्यटकीयस्थलको भ्रमण गराइएको थियो ।
दिक्तेलस्थित ऐतिहासिकस्थल मझुवागढी, कालिका भगवती मन्दिर, बुधेश्वर महादेव गुफा तथा हलेसी तुवाचुङ नगरपालिकास्थित मानव सभ्यताको उद्गमस्थल एवं किराँती आदिम भूमि तुवाचुङ जायाजुम, हलेसी महादेव मन्दिर, मारतीका गुम्बा, बसाहा थानलगायतका धार्मिक तथा पर्यटकीयस्थलको सहभागीलाई भ्रमण गराइृएको थियो ।

जिल्ला समन्वय समितिद्वारा आयोजित सो कार्यक्रममा सहभागीलाई दिक्तेल रुपाकोट मझुवागढी नगरपालिकाको चार, हलेसी तुवाचुङ नगरपालिकाको चार तथा अन्य आठ गाउँपालिकाको एक÷एक वटा ऐतिहासिक, धार्मिक तथा पर्यटकीयस्थल समेटिएको तस्वीर वितरण गरिने जिल्ला समन्वय समिति खोटाङका सदस्य चर्चबहादुर विश्वकर्माले जानकारी दिनुभयो ।
भ्रमण वर्षलाई ध्यानमा राखि हरेक स्थानीय तहले धार्मिक तथा पर्यटकीय क्षेत्रको सरसफाइ तथा स्तरोन्नति गरेका छन् । त्रिधार्मिकस्थल हलेसी, बराहपोखरी, टेम्के, तावाभञ्ज्याङ, रुपाकोट, मझुवागढी, भुलभुलेलगायतका धार्मिक तथा पर्यटकीयस्थल सरसफाइ तथा स्तरोन्नति गरिएको हो ।
भ्रमण वर्ष सन् २०२० मा बाह्य पर्यटक मात्र एक लाखभन्दा बढी खोटाङ भित्र्याउने लक्ष्य राखिएको महासङ्घका प्रदेश नं १ अध्यक्ष एवं समन्वय समिति खोटाङ प्रमुख बबि चाम्लिङले जानकारी दिनु भयो । “खोटाङ धार्मिक तथा पर्यटकीयस्थलले भरिपूर्ण जिल्ला हो”, उहाँले भन्नुभयो, “जिल्ला समन्वय समिति महासङ्घले समेत प्रमुख पर्यटकीय क्षेत्रको रुपमा खोटाङलाई लिएकाले थप आन्तरिक तथा बाह्य पर्यटक आउनेमा आशावादी छौँ ।
भ्रमण वर्षको अवसर पारेर जिल्लाका विभिन्न ठाउँमा महोत्सवको आयोजनासमेत गरिएको छ । जिल्लाको प्रमुख व्यापारिक केन्द्र दिक्तेलबजारमा १० दिने ‘खोटाङ महोत्सव’, त्रिधार्मिकस्थल हलेसीमा ‘हलेसी महोत्सव’, ऐसेलुखर्क गाउँपालिकामा ‘बहानेपाखरी महोत्सव’लगायतका कार्यक्रम तय गरिएको हो ।

प्रतिक्रिया दिनुहोस

स्थानीय सरकारको धज्जी उडाउँदै चिया उद्योग, नगर प्रमुख भन्छन मापदण्ड नमानेर धरै छैन

इलामः इलाम सूर्योदय नगरपालिका–१० की चिया कृषक साधना फागो भन्छिन,“आन्दोलन गरेरै समय जाने ...

विराटनगरको चर्चित व्यापारिक घराना डुब्यो ऋणमा, पैसा उठाउन बैंकले थाल्यो प्रक्रिया

इटहरीः लकडाउन पूर्ण रुपमा खुलेकै दिन राष्ट्रिय वाणिज्य बैंकले पहिलेदेखि डुबेको एउटा ऋण उठाउने प्रक्र ...

इटहरीमा सात जना बालबालिका सहित ३४ जना संक्रमित, संक्रमित संख्या ४ सय नजिक

इटहरीः सुनसरीको इटहरी उपमहानगरपालिकामा थप ३४ जनामा कोरोना भाइरसको संक्रमण पुष्टि भएको छ । नगर स्रोतक ...

इष्ट टुरिजम इभेन्ट म्यानेजमेन्ट एण्ड मिडिया प्रालिद्धारा प्रकाशित

प्रदेश पोर्टल डटकम

इटहरी उपमहानगरपालिका, सुनसरी, कोशी, नेपाल

  • कम्पनी दर्ता नं. १९४७९७/०७५/०७६
  • स्थायी लेखा नं. ६०६६४३६५८
  • सूचना विभाग दर्ता नं. ९३०/०७५–०७६
  • प्रेस काउन्सिल दर्ता नं. १७१/०७५–०७६
  • फोन नं.: +९७७ २५ ५८२६९०
  • मोबाइल नं.: +९७७ ९८४२०३७४०२
  • इमेल: [email protected]
  • प्रधान सम्पादक: राजेश विद्रोही
  • महाप्रबन्धकः बद्री भिखारी
  • प्रबन्धकः देवान किराती
  • प्रबन्ध सम्पादकः प्रेमप्रसाद बास्तोला
  • अंग्रेजी डेस्क प्रमुखः विराट अनुपम
  • संवाददाताः कविराज घिमिरे (धनकुटा)
  •   नमिन ढकाल(इलाम)
  •   बाबुराम वास्ताेला (संखुवासभा)
  • फाेटाे पत्रकारः गुरू ढकाल, वुलेट खतिवडा
  • स्वास्थ्य पृष्ठ संयोजकःडा. सुर्यबहादुर पराजुली (एमडी)
  • लोकसेवा पृष्ठ संयोजकः अनिल पोख्रेल (नायब सुब्बा)

Copyright © 2018 / 2020 - pradeshportal.com All rights reserved