ईटहरी : अनेरास्ववियू जनता बहुमुखी क्याम्पस इटहरीले आयोजना गरेको बनभोजको कार्यक्रममा बेलका नगरपालिकाका मेयर दुर्गा कुमार थापा ( स्वस्तिक) आएर बनभोजमा सहभागि बिद्यार्थीहरुलाई स्वागत गरेका छन् ।
बेलका नगरले निमार्ण गर्दै गरेको बनभोज स्थल बेलकानगरपालिका वडा नं.६ स्थित लभिङ डाँडालाई चिनाउन यस बनभोज टोलीको ठुलो हात रहने भन्दै मेयर थापाले स्वागत सम्मान गरेका हुन् । आफूँ स्थानीय तहमा निर्वाचित भएपछि त्यस ठाउँलाई पर्यटकीय स्थलको रुपमा जोड्न सकिने सम्भावना रहेको देखेर मेयर आफँै त्यस डाँडालाई पर्यटकीय गन्तब्यको रुपमा बनाईएको बताए । यस ठाउँलाई चिनाउन युवा तथा विद्यार्थीहरुको महत्वपुुर्ण योगदान रहने भएकाले बेलका नगर भित्र भ्रमण गर्ने आन्तरिक तथा बाह्रय पर्यटकलाई आफूले सक्ने सहयोग गर्ने र बेलका नगरपालिका देशकै नमुना नगर रहेको भन्दै एक पटक सबैले .भ्रमण गरिदिन समेत आग्रह गरे ।
कार्यक्रममा प्रदेश नम्बर एकका सासंद सर्वध्वज साँवा, नेकपा ईटहरी नगर कमिटि अध्यक्ष ज्वाला तामाङ, सचिब कासींनाथ दगाँल, युवा नेता मदन चुडाल, अनेरास्ववियु सुनसरी जिल्ला अध्यक्ष जि वि गजल अनेरास्ववियु जनता बहुमुखी क्याम्पस अध्यक्ष किरण विष्ट लगायत अनेरास्ववियूमा आस्थावान् करिब दुई सय विद्यार्थीहरुको सहभागिता रहेको अनेरास्ववियु क्रान्तिकारी जनता बहुमुखी क्याम्पस अध्यक्ष सागर धमलाले जानकारी दिए ।