६ महिनापछि अर्ब बढीको कारोबार

अन्य समूहमा भने रातो पोतियो

  • आश्विन ९, २०७५
  • २३४ पटक पढिएको
  • प्रदेश पोर्टल
alt


इटहरीः ६ महिनापछि नेपाली सेयर बजारको कारोबार रकमले अर्बको अङ्क नाघेको छ । नेप्से सूचकसँगै कारोबार रकममा पनि मङ्गलबार चमक देखिएको हो ।

लामो समयसम्म दैनिक औसत २० करोड हाराहारीको कारोबारमा भइरहेको बजारमा बिस्तारै चमक देखिन थालेकाले लगानीकर्ता खुशी भएका हुन् । विशेष गरी वाणिज्य बैंकहरूमा लगानीकर्ता झुम्मिएपछि कारोबार रकम र सूचकले बजारलाई साथ दिएको हो ।

बैंकहरूले ४ गुणा पुँजी वृद्धि गर्दा पनि आकर्षक नाफा बढाउन सफल भएकाले बजार बढेको अनुमान गरिएको छ । यद्यपि हालसम्म कुनै पनि वाणिज्य बैंकले गत आर्थिक वर्षको लाभांश भने घोषणा गरेका छैनन् ।

अब बैंक ब्याजदर सस्तो हुन थाल्ने लगानीकर्ताको आशा छ । ब्याजदर सस्तो भयो भने अहिलेको वृद्धिले निरन्तरता पाउने लगानीकर्ताको विश्वास छ ।

नेप्से सूचक मङ्गलबार २२.३७ अङ्कले बढेर १२८०.०५ अङ्कमा पुगेको छ । समग्रमा बजार १.७८ प्रतिशतले बढेको छ । कुल १ सय ७३ कम्पनीको १ अर्ब १२ करोड १२ लाख ७७ हजार ३ सय १५ रुपैयाँको ४४ लाख १७ हजार २ सय ३० कित्ता सेयर १० हजार १ सय १८ पटक किनबेच भएका छन् ।

nepse i

अन्य समूहबाहेक अरु सूचकमा हरियाली
नेप्सेमा कारोबार भएका ११ वटा समूहमध्ये १० वटा समूह बढेका छन् । नेपाल टेलिकम र जलविद्युत तथा लगानी कोषको सेयर समेटिएको अन्य समूहको सूचक भने ०.२६ प्रतिशतले तल झरेको छ । सबैभन्दा बढी वाणिज्य बैंक समूह २.६७ प्रतिशतले बढ्दा विकास बैंक समूह २.४९ प्रतिशतले बढेको छ ।

कारोबारमा प्रभु बैंक अघि
मङ्गलबार कारोबार रकमका आधारमा प्रभु बैंक अगाडि आएको छ । प्रभुको ८ करोड ५६ लाख ४४ हजार ५ सय ३३ रुपैयाँको सेयर किनबेच भएको थियो । दोस्रो स्थानमा रहेको एनआइसी एशियाको ६ करोड २५ लाख ८७ हजार ७ सय ६४ रुपैयाँको र तेस्रो स्थानमा रहेको नेपाल इन्भेष्टमेन्ट बैंकको ५ करोड ४९ लाख ३० हजार ९६ रुपैयाँको सेयर किनबेच भएको थियो । उच्च कारोबार गर्ने १० वटा कम्पनीमा सबै वाणिज्य बैंक समूहका छन् । दशौं स्थानमा रहेको एनसीसी बैंकको ३ करोड ५६ लाख ८७ हजार १ सय १७ रुपैयाँको सेयर किनबेच भएको थियो ।

क्यापिटल मर्चेन्ट बैंकको धेरै कित्ता किनबेच
मङ्गलबार क्यापिटल मर्चेन्ट बैंकको सबैभन्दा धेरै ६ लाख १ हजार ४ सय १७ कित्ता सेयर किनबेच भएको थियो । प्रभु बैंकको ३ लाख ५१ हजार १ सय ४ कित्ता सेयर किनबेच हुँदा जनता बैंकको २ लाख ८१ हजार ६ सय ८५ कित्ता सेयर किनबेच भएको थियो । क्यापिटल मर्चेन्टबाहेक बाँकी सबै बैंकिङ समूहका कम्पनीको धेरै कित्ता कारोबार भएको छ । दशौं नम्बरमा परेको एनएमबी बैंकको १ लाख ३० हजार ९ सय ३३ कित्ता सेयर किनबेच भएको थियो ।

कारोबार सङ्ख्यामा प्रभु अघि
प्रभु बैंकको सबैभन्दा धेरै पटक कारोबार भएको छ । ६ सय २४ पटक सो कम्पनीको सेयर कारोबार भएको थियो । एनआइसी एशियाको ४ सय १३ पटक कारोबार हुँदा एनएमबीको ४ सय ८ पटक कारोबार भएको थियो । १० वटा कम्पनीको २ सय ७० पटकभन्दा बढी कारोबार भएको थियो ।

nepsee

 

 

 

 

 

 

पाँच प्रतिशत मूल्य बढ्नेमा १२ कम्पनी
भार्गव विकास बैंकको सबैभन्दा धेरै ९.८२ प्रतिशत सेयर मूल्य बढेको मङ्गलबारको बजारमा सनराइज बैंकको ८.१६ र प्रभु बैंकको ७.३६ प्रतिशत मूल्य बढेको छ । साइन रेसुङ्गा र नेपाल कम्युनिटी एण्ड डेभलपमेन्ट बैंकको सेयरमूल्य पनि ६ प्रतिशतभन्दा बढी बढेको छ ।

मूल्य घट्नेमा ३४ कम्पनी
बजार बढे पनि ३४ वटा कम्पनीका लगानीकर्ताले भने मङ्गलबार सम्पत्ति गुमाएका छन् । लगानी गुमाउनेमा हाइड्रोपावर, माइक्रोफाइनान्स र फाइनान्स समूहका कम्पनी धेरै छन् । सबैभन्दा धेरै गोर्खाज् फाइनान्सका लगानीकर्ताले सम्पत्ति गुमाएका छन् । सो फाइनान्सका लगानीकर्ताले ४.५४ प्रतिशतले सम्पत्ति गुमाउँदा सिनर्जी पावर डेभलपमेन्टका लगानीकर्ताले साढे ३ प्रतिशतले सम्पत्ति सिभिल लघुवित्त वित्तीय संस्थाका लगानीकर्ताले ३.३८ प्रतिशतले अपि पावरका लगानीकर्ताले ३ प्रतिशतले सम्पत्ति गुमाएका छन् ।

नेप्से सूचक भन्दा सेन्सेटिभ सूचक बढी बढेको मङ्गलबारको बजारमा समग्र बजार पूँजीकरण १५ खर्ब २४ अर्ब कायम भएको छ ।

 

 

प्रतिक्रिया दिनुहोस

बैशाखमा राष्ट्रिय खे ...

झापाः युवा तथा खेलकुदमन्त्री जगतबहादुर विश्वकर्माले आठौँ राष्ट्रिय खेलकुद प्रतियोगिता अगामी वैशाखमा ...

विप्लव नेतृत्वको नेक ...

सोलुखुम्बुः नेत्रविक्रम चन्द ‘विप्लव’ नेतृत्वको नेपाल कम्युनिष्ट पार्टीमा आबद्ध रहेको आश ...

भोजपुर–विराटनगर उडान ...

भोजपुरः नेपाल वायु सेवा निगमको भोजपुर–विराटनगर उडान सेवा बन्द भएको छ । मौसम प्रतिकूल भएकाले ...

इष्ट टुरिजम इभेन्ट म्यानेजमेन्ट एण्ड मिडिया प्रालिद्धारा प्रकाशित

प्रदेश पोर्टल डटकम

इटहरी उपमहानगरपालिका, सुनसरी, कोशी, नेपाल

  • कम्पनी दर्ता नं. १९४७९७/०७५/०७६
  • स्थायी लेखा नं. ६०६६४३६५८
  • सूचना विभाग दर्ता नं. ९३०/०७५–०७६
  • प्रेस काउन्सिल दर्ता नं. १७१/०७५–०७६
  • फोन नं.: +९७७ २५ ५८२६९०
  • मोबाइल नं.: +९७७ ९८४२०३७४०२
  • इमेल: pradeshportal@gmail.com
  • महाप्रबन्धकः बद्री भिखारी
  • प्रधान सम्पादक: राजेश विद्रोही
  • प्रबन्धकः देवान किराती
  • प्रबन्ध सम्पादकः प्रेमप्रसाद बास्तोला
  • सम्पादकः मिलन बुढाथोकी
  • डेस्क सम्पादकः खेमचन्द्र अधिकारी
  • अंग्रेजी डेस्क प्रमुखः विराट अनुपम
  • राजनीतिक/सामाजिक संवाददाताः विनय बाह्रकोटी
  • स्थानीय सरकार/कानुन संवाददाताः कृष्ण बहाब भट्टराई
  • संवाददाताः कविराज घिमिरे (धनकुटा)
  •   नमिन ढकाल(इलाम)
  •   बाबुराम वास्ताेला (संखुवासभा)
  • फाेटाे पत्रकारः गुरू ढकाल, वुलेट खतिवडा
  • स्वास्थ्य पृष्ठ संयोजकःडा. सुर्यबहादुर पराजुली (एमडी)
  • लोकसेवा पृष्ठ संयोजकः अनिल पोख्रेल (नायब सुब्बा)
  • लेखाः समीक्षा केसी

Copyright © 2018 / 2019 - pradeshportal.com All rights reserved