भोजपुरः भोजपुर जिल्लाको टेम्केमैयुङ गाउँपालिका वडा नम्बर ५ खावामा घरायसी विवाद हुँदा राजकुमार राईले आफनै भाउजु ४८ वर्षिया केशरमाया राईलाई कुटपिट गरि को हत्या गरेका छन् ।

गत भदौ २२ गते राती घरायसी विवाद हुँदा ३५ वर्षिय देवरले मरणासन्न हुने गरि कुटे पछि भाउजु ज्यान जोगाउन भागेकी थिइन् ।

राती भागेकी भाउजुको शव भदौ २३ गते बिहान बंगुरको खोरमा भेटिएको स्थानियले बताएको जिल्ला प्रहरी कार्यालय भोजपुरका प्रहरी निरिक्षक प्रदिप लामाले जानकारी दिए । घटना पछि देवरलाई पक्राउ गरिएको छ । उनलाई हिरासतमा राखेर थप अनुसन्धान थालिएको प्रहरी निरिक्षक लामाले बताए ।