धरानः धरानमा लागुऔषधसहित ३ जना युवालाई प्रहरीले आज दिउँसो पक्राउ गरेको छ ।
इलाका प्रहरी कार्यालय धरानको गस्ती टोलीले धरान–८ भोटेपुलबाट लागुऔषधसहित उनीहरूलाई पक्राउ गरेको हो । पक्राउ पर्नेमा धरान–७ का सुशील थापामगर, धरान–८ का २५ वर्षीय सुजन मगर र २८ वर्षीय शुक्र लिम्बू रहेको इलाका प्रहरी कार्यालय धरानले जनाएको छ ।
पक्राउ परेकामध्ये सुजनले चलाउने को १७ प २२३३ नम्बर स्कुटरको डिकीमा लुकाइराखेको अवस्थामा लागुऔषध डाइलेक्स डि.सि ८ बोतल र स्पास्मो प्रोक्सिभन १ हजार ३ सय ६८ क्याप्सुल बरामद भएको प्रहरीले जनाएको छ । स्कुटर रोकी शङ्कास्पद अवस्थामा बसिरहेको भेटेपछि प्रहरीले खानतलासी गर्दा केही नभेटे पनि स्कुटीको डिकी जाँच गर्दा सो लागुऔषध फेला परेको इलाका प्रहरी कार्यालय धरानका प्रमुख डिएसपी सुमन तिम्सिनाले बताए ।
उनीहरूलाई इलाका प्रहरी कार्यालयमा राखी लागुऔषध मुद्दामा आवश्यक अनुसन्धान शुरु गरिएको डिएसपी तिम्सिनाले बताए ।
_1720278409.jpg)
