मजदुर अभावमा प्रदेश १ का इट्टा उद्योग बन्द

  • कार्तिक १, २०७७
  • ८४ पटक पढिएको
  • प्रदेश पोर्टल
alt

इटहरीः कोरोना महामारीका कारण नेपाल(भारत सीमा नाका बन्द भएपछि मोरङको विराटनगरमा सञ्चालित इट्टा उद्योगहरुमा मजदुर अभाव भएको छ ।

९० प्रतिशत मजदुर भारतबाट आउने गरेकोमा नाका बन्द भएकाले मजदुरको अभावमा उद्योगहरुले उत्पादन ठप्प पारेका छन् । तीन अर्ब ४० करोड रुपैयाँ मूल्य बराबरको वार्षिक उत्पादन गर्दै आएका ८५ ओटा उद्योग एकैसाथ बन्द हुँदा प्रदेशभरमा इट्टाको आपूर्ति प्रभावित हुने देखिएको छ । इट्टा व्यवसायी संघका अनुसार भारतको पश्चिम बंगालको कुचबिहारबाट आउने २२ हजार मजदुरले उत्पादनको काम गर्ने गरेका छन् ।

संघले उद्योग सञ्चालनको वातावरण निर्माणमा सहजीकरणका लागि उद्योग मन्त्रीलाई ज्ञापनपत्र बुझाएपनि सुनुवाइ नहुँदा उत्पादन प्रभावित हुने भएको हो । सीमा नाका नखुल्दा भारतीय मजदुर नेपाल प्रवेश गर्न नसकेपछि उत्पादन बन्द भएको कोसी इट्टा व्यवसायाी संघका अध्यक्ष महेन्द्रप्रसाद साहको भनाइ छ । हिउँदमा इट्टा उत्पादन र बिक्री गर्ने उद्योगले भारतीय मजदुरलाई एक वर्षको मजदुरीबापत् अग्रिम भुक्तानी दिएपछि स परिवार आउने मजदुरले काम सम्पन्न गर्दछन् ।

इँट्टाको उत्पादन रोकिँदा विकास निर्माणको काम प्रभावित हुने निर्माण व्यवसायी संघ मोरङका कोषाध्यक्ष दाताराम पौडेलले बताए । प्रदेश १ मा उत्पादन हुने इट्टाको प्रतिगोटा मूल्य न्यूनतम सात रुपैयाँदेखि १८ रुपैयाँसम्म पर्ने गरेको छ । इट्टा उत्पादन र बजारीकरणबाट सरकारले वार्षिक ३५ करोड रुपैयाँ राजश्व असुली गर्दै आएको छ ।

प्रतिक्रिया दिनुहोस

यसरी भएको छ ,दशैँःआशीर्वादको रूपान्तरण

एउटा भनाइ नै छ,'जस्तोसुकै मनमुटाव भए पनि दशैँमा टीका लगाउन जानू, सबै मनमुटाव निर्मूल हुन्छ।' दशैँ स ...

श्वास फेर्न कठिन भई वीपी प्रतिष्ठान भर्ना भएका धरानका ५३ बर्षीय पुरुषको मृत्यु

धरानः श्वास फेर्न कठिन भएपछि धरान स्थित वीपी कोइराला स्वास्थ्य विज्ञान प्रतिष्ठान भर्ना भएका ५३ बर्ष ...

चाडपर्व लक्षित सुरक्षाका लागि १२ सय प्रहरी परिचालन

धरानः चाडपर्व लक्षित सुरक्षाका लागि जिल्ला प्रहरी कार्यालय सुनसरीले विशेष सुरक्षा निती तयार गरि जनशक ...

इष्ट टुरिजम इभेन्ट म्यानेजमेन्ट एण्ड मिडिया प्रालिद्धारा प्रकाशित

प्रदेश पोर्टल डटकम

इटहरी उपमहानगरपालिका, सुनसरी, कोशी, नेपाल

  • कम्पनी दर्ता नं. १९४७९७/०७५/०७६
  • स्थायी लेखा नं. ६०६६४३६५८
  • सूचना विभाग दर्ता नं. ९३०/०७५–०७६
  • प्रेस काउन्सिल दर्ता नं. १७१/०७५–०७६
  • फोन नं.: +९७७ २५ ५८२६९०
  • मोबाइल नं.: +९७७ ९८४२०३७४०२
  • इमेल: [email protected]
  • प्रधान सम्पादक: राजेश विद्रोही
  • प्रबन्धकः देवान किराती
  • प्रबन्ध सम्पादकः प्रेमप्रसाद बास्तोला
  • अंग्रेजी डेस्क प्रमुखः विराट अनुपम
  • फाेटाे पत्रकारः गुरू ढकाल, वुलेट खतिवडा
  • संवाददाताः कविराज घिमिरे (धनकुटा)
  •   नमिन ढकाल (इलाम)
  •  राजन ठटाल (खोटागं)
  •   बाबुराम वास्ताेला (संखुवासभा)
  • स्वास्थ्य पृष्ठ संयोजकःडा. सुर्यबहादुर पराजुली (एमडी)
  • लोकसेवा पृष्ठ संयोजकः अनिल पोख्रेल (नायब सुब्बा)

Copyright © 2018 / 2020 - pradeshportal.com All rights reserved