इटहरीः आज नेपाली बजारमा सुनको मूूल्यमा गिरावट आएको छ ।

सुनको मूल्य प्रतितोला नौ सय रुपैयाँ घटेको नेपाल सुनचाँदी व्यवसायी महासंघले जनाएको छ । महासंघका अनुसार आज नेपाली बजारमा छापावाल सुन प्रतितोला ९४ हजार रुपैयाँमा कारोबार भएको छ । हिजो यो मूल्य ९४ हजार नौ सय रुपैयाँ रहेको महासंघको भनाइ छ ।

यसैगरी, तेजाबी सुनको मूल्य प्रतितोला ९४ हजार चार सय रुपैयाँबाट ओरालो लागेर प्रतितोला ९३ हजार पाँच सय रुपैयाँ कायम भएको महासंघको भनाइ छ । यसैगरी, असल चाँदीको मूल्यमा समेत गिरावट आएको छ । हिजो प्रतितोला एक हजार तीन सय १५ रुपैयाँमा कारोबार भएको चाँदीको मूल्यमा प्रतितोला ५० रुपैयाँले गिरावट आई आज प्रतितोला एक हजार दुई सय ६५ का दरले खरिद बिक्री भएको महासंघले जनाएको छ ।