इटहरीः अमेरिकाका लागि नेपाली राजदूतका रुपमा नियुक्त भएका नेकपा नेता तथा पूर्वअर्थमन्त्री डा.युवराज खतिवडाको सपथग्रहण सम्पन्न भएको छ ।

राजदूत खतिवडाले आज राष्ट्रपति भवन शीतल निवासमा आयोजित एक समारोहका बीच राष्ट्रपति विद्यादेवी भण्डारीबाट पद तथा गोपनीयताको सपथ ग्रहण गरेका छन् । सपथग्रहण समारोह परराष्ट्रमन्त्री प्रदीपकुमार ज्ञवालीलगायत उच्च पदस्थ सरकारी अधिकारीहरुको उपस्थितिमा सम्पन्न भएको राष्ट्रपति कार्यालयले जनाएको छ ।