बेलबारीः मोरङको बेलबारी नजिकै रहेको बेतना सिमसार क्षेत्रमा ट्रकले मोटरसाइकललाई ठक्कर दिँदा २ जनाको मृत्यु भएको छ ।


आज साँझ पूर्वबाट पश्चिम आउँदै गरेको ना ५ ख १९२० नम्बरको ट्रकले विपरीत दिशातिर गइरहेको को १२ प ९६८२ नम्बरको मोटरसाइकललाई ठक्कर दिँदा बेलबारी–११ बस्ने वर्णबहादुर राई र मनकुमार राईको मृत्यु भएको अस्थायी ट्राफिक पोस्ट बेलबारीका प्रमुख लीला श्रेष्ठले जानकारी दिए ।

दुर्घटनामा घाइते भएका दुवै जनाको उपचारका क्रममा बीपी कोइराला स्वास्थ्य विज्ञान प्रतिष्ठान धरानमा मृत्यु भएको प्रमुख श्रेष्ठले बताए । ठक्कर दिने ट्रकलाई प्रहरीले नियन्त्रणमा लिए पनि चालक भने फरार छन् ।