इटहरीः शनिबार दिउँसो सुनसरी प्रहरीले शिशु हत्याका अभियुक्तलाई पक्राउ गरेको छ । महोत्तरीको औराही–१ का ८ महिने शिशुको अपहरण गरी हत्या गरेको आरोपमा उनी पक्राउ परेका हुन् ।

शनिबार दिउँसो कोशी ब्यारेज क्षेत्रमा रहेको प्रहरीले चेक गर्ने क्रममा उनी पक्राउ परेका हुन् । पक्राउ पर्नेमा महोत्तरीको साबिक हात्तीसार गाविस– १ का ३६ वर्षीय भरत साह रहेको प्रहरीले जनाएको छ । उनले भदौ दोस्रो हप्ता शिशुलाई घरबाट अपहरण गरी करणीपछि हत्या गरी फरार थिए ।

पक्राउ परेका साहलाई थप अनुसन्धानका लागि जिल्ला प्रहरी कार्यालय सुनसरीको हिरासतमा राखिएको प्रहरीले जनाएको छ ।