सङ्खुवासभाः खाँदबारी बजारमा जुवा खेलिरहेको अवस्थामा प्रहरीले ६ जनालाई पक्राउ गरेको जिल्ला प्रहरी कार्यालय सङ्खुवासभाले जनाएको छ । १६ वटा कौडा र नगदसहित ६ जना जुवाडे पक्राउ परेको प्रहरीले विज्ञप्तिमार्फत् जनाएको छ ।


प्रहरीका अनुसार विशेष सुराकीको आधारमा उनीहरू पक्राउ परेका थिए । प्रहरीले नगद ४० हजार १ सय ९६ रुपैयाँ पनि बरामद गरेको जनाएको छ । उनीहरूलाई जिल्ला प्रशासन कार्यालयबाट म्याद थप गरी अनुसन्धान भइरहेको प्रहरीले जनाएको छ ।