विराटचोकः मोरङको सुन्दरहरैंचामा टिपरको ठक्करबाट १ जना महिला घाइते भएकी छिन् ।

पश्चिमबाट पूर्वतर्फ आइरहेको १ ख ६१८४ नम्बरको टिपरले विपरीत दिशातिर गइरहेको को २६ प ३१२ नम्बरको स्कुटरलाई ठक्कर दिँदा उदयपुरको रौतामाई–२ की ३० वर्षीया गीता कट्वाल घाइते भएकी हुन् । स्थानीय मेडिकलमा उपचार हुन नसकेपछि उनलाई बिपी कोइराला स्वास्थ्य विज्ञान प्रतिष्ठान धरान पठाइएको अस्थायी ट्राफिक पोष्ट बेलबारीका प्रमुख लीला श्रेष्ठले बताए । उनका अनुसार टिपर चालक प्रहरी नियन्त्रणमा रहेका छन् ।