इटहरी आगलागी नियन्त्रणका नायकहरू

  • प्रकाशित मितिः कार्तिक २१, २०७५
  • ४७६४ पटक पढिएको
  • मिलन बिछाेड
alt

इटहरीः बुधबार इटहरीको मुख्य बजार क्षेत्रमा भएको आगलागीको घटनामा इटहरी उपमहानगरपालिकाको अग्नि नियन्त्रण शाखालाई पहिलो खबर पुुग्यो । खबर पुुगेको २ मिनेटभित्रैमा तयारी अवस्थाको दमकल लिएर घटनास्थलमा पुुगे सो शाखाका सदस्य तथा दमकल चालक देवराज चौधरी ।

चौधरी १ बज्ने बित्तिकै इटहरी चोकको उत्तर दिशाको मुखैमा रहेको सप्तकोशी इलेक्ट्रोनिक्समा भीषण आगलागी भएको घरमा दमकल लिएर पुुगेका थिए । उनी पुुग्दा अवस्था निकै नाजुक थियो । आगोको लप्काले थप पसलहरूमा क्षति पुगिरहेको थियो । इलेक्ट्रोनिक्स पसलभित्र रहेका रेफ्रिजेरेटर पूर्ण रूपमा नष्ट भएका थिए । कार्टुनभित्र रहेका रेफ्रिजेरेटरहरू कामै नलाग्ने अवस्थामा थिए । उनले हतपत दमकलको भर्याङ तयार पारे र अन्य सदस्यहरूको सहयोगमा पानी फ्याँक्न थाले । बलिरहेको आगोमाथि पानी फ्याँक्ने चौधरीले भने, ‘हामी चौबिसै घण्टा तयारी नै हुन्छौँ । आज पनि खाबर आउनासाथ दौडिहाल्यौँ ।’

devraj chaudhary copy
चौधरी पुुगेको ५ मिनेटभित्र पुुगे अर्का सदस्य तथा चालक मकरबहादुर महत । उनले आफ्नो टिमलाई त्यहाँको अवस्थाको बारेमा जानकारी दिए । थप के कुरा आवश्यक पर्छ त्यसको चाँजोपाँजो मिलाएर उनी टिम लिएका पुगेका थिए । महत पुग्दानपुग्दै चौधरीको दमकलको पानी सकियो । चौधरी पानी लिन इटहरी उपमहानगरभित्र रहेको पोखरीमा गए । आगो नियन्त्रणको जिम्मेवारी महतले सम्हाले ।

महतले आफू पुुग्दा जनपद प्रहरी, सशस्त्र प्रहरी र नेपाली सेनाको टीम पनि आइपुुगेको बताए । ‘चौधरी पुग्नुअघि प्रहरीको मात्र टिम थियो । हाम्रो साथीहरू र प्रहरीको थप खबरले सशस्त्र र सेना आइपुग्यो,’ उनले भने ।

makar bdr mahat copy
दमकल चालक चौधरी र महत फिल्डमा रहँदा यता इटहरी उपमहानगरपालिकाको अग्नि नियन्त्रण शाखाका प्रमुख जेबी राई आगलागीको अवस्थाको बारेमा जानकारी दिँदै अन्य शहरका दमकल बोलाइरहेका थिए । उनी घटनाको अवस्थाको बारेमा जानकारी दिँदै सोबारे अन्य निकायमा पनि खबर गर्ने र दमकल बोलाउने काममा खटिए ।

jp rai copy
उनले बोलाएका मध्ये सबैभन्दा पहिले दुहबीको दमकल आयो । त्यसपछि क्रमशः धरान, इनरुवा, सुन्दरहरैंचा, विराटनगर, दमक लगायतका शहरका दमकल आइ पुुगे । ८ वटा दमकलको अथक प्रयासले करिब ३ घण्टापछि आगो नियन्त्रणमा आयो । अग्नि नियन्त्रक, १ सय ५० जना नेपाली सेना, ५० जना सशस्त्र प्रहरी र करिब ५० जना नेपाल प्रहरीका साथै स्थानीयको सहयोगले इटहरीको मुुख्य बजार क्षेत्रमा लागेको आगो नियन्त्रणमा आउन सफल भयो ।

मुुख्य बजार क्षेत्रमा घरहरू बाक्लै भएको हुँदा यसले थप जोखिम निम्त्याउन सक्थ्यो । तर, खबर गर्नेबित्तिकै पुुगेका अग्नि नियन्त्रकको कार्यले बढी क्षति हुन पाएन । आजको घटनामा अग्नि नियन्त्रकहरू नायकको रूपमा चित्रित भए । घटनामा कति क्षति भयो भन्ने बारेमा कुनै तथ्याङ्क भने आइसकेको छैन ।

दिनभर काममा खटिएका राईसहितको टिमलाइ प्रदेश पोर्टलले भेट्दा थप नोक्सानी हुनबाट बचाउन सकेकोमा उनी खुशी देखिन्थे । छिमेकी नगरका दमकललाई बिदाइ गरिरहेका राईले भने, ‘हामी सबै टिमसहित दत्तचित्त भएर काममा लागिप¥यौँ । जसको परिणामस्वरूप आगो नियन्त्रणमा आउन सफल भयो ।’

IMG_5408 copy

प्रतिक्रिया दिनुहोस

कोशीहरैंचा उद्योग वाणिज्य सङ्घमा पुरानै का

विराटचोकः उद्योग वाणिज्य सङ्घ कोशी हरैंचाले १ वर्ष पुरानै कार्यसमितिलाई निरन्तरता दिने निर्णय गरेको छ । सङ्घको ८ आंै वार्षिक साधारण सभाले सो निर्णय गरेको हो । नयाँ सदस्यताको विषयलाई लिएर नेकपा र काङ्ग्रेसं समर्थित उद्योग वाणिज्य सङ्घका पदाधिकारी बीच मतभेद देखिएपछि सङ्घले नयाँ ने

उपमहानगरको दमकलः दमकल हो कि पानी बोक्ने ट्

इटहरीः वारुणयन्त्र संवेदनशील क्षेत्र भए पनि प्रविधिको प्रयोग नहुँदा दमकल र पानी बोक्ने ट्याङ्करमा खासै फरक देखिन छाडेको छ । आम जनताले पनि दमकल भन्नेबित्तिकै पानी बोक्ने ट्याङ्करको रूपमा बुझ्न थालेका छन् । दमकलमा आगोसँग लड्न पानी मात्र होइन आवश्यक अन्य सुरक्षा पनि हुन आवश्यक मानिन

प्रहरी कार्यालयभित्र वकिलमाथि हातपात गरेको

इनरुवाः सुनसरीको दुहबीमा प्रहरी कार्यालयभित्र दुई पक्षीय छलफलका क्रममा एक जना कानुन व्यवसायीलाई प्रहरी अधिकृतहरूले हातपात गरेको आरोप लगाइएको छ । शुक्रबार इलाका प्रहरी कार्यालय दुहबीमा सवारी दुर्घटना समबन्धी घटनामा छलफल हुँदा सुनसरी जिल्ला अदालत बार एसोसिएसन इकाइका सदस्य समेत रहे


इष्ट टुरिजम इभेन्ट म्यानेजमेन्ट एण्ड मिडिया प्रालिद्धारा प्रकाशित

प्रदेश पोर्टल डटकम

इटहरी उपमहानगरपालिका, सुनसरी, कोशी, नेपाल

  • कम्पनी दर्ता नं. १९४७९७/०७५/०७६
  • स्थायी लेखा नं. ६०६६४३६५८
  • सूचना विभाग दर्ता नं. ९३०/०७५–०७६
  • प्रेस काउन्सिल दर्ता नं. १७१/०७५–०७६
  • फोन नं.: +९७७ २५ ५८२६९०
  • मोबाइल नं.: +९७७ ९८४२०३७४०२
  • इमेल: [email protected]
  • प्रधान सम्पादक: राजेश विद्रोही
  • प्रबन्धकः देवान किराती
  • प्रबन्ध सम्पादकः प्रेमप्रसाद बास्तोला
  • सम्पादकः मिलन बुढाथोकी
  • डेस्क सम्पादकः खेमचन्द्र अधिकारी
  • अंग्रेजी डेस्क प्रमुखः विराट अनुपम
  • राजनीतिक/सामाजिक ब्युरोः विनय बाह्रकोटी
  • स्थानीय सरकार/कानुन ब्युरोः कृष्ण वहाब भट्टराई
  • स्वास्थ्य पृष्ठ संयोजकःडा. सुर्यबहादुर पराजुली (एमडी)
  • लोकसेवा पृष्ठ संयोजकः अनिल पोख्रेल (नायब सुब्बा)

Copyright © 2018 / 2018 - pradeshportal.com All rights reserved