उत्तर कोरियाद्वारा ब्यालिस्टिक क्षेप्यास्त्र प्रहार

  • भदौ ३०, २०७८
  • ११२ पटक पढिएको
  • प्रदेश पोर्टल
alt

प्योङयाङः उत्तर कोरियाले आफ्नो पूर्वी तटमा दुईवटा ब्यालिस्टिक क्षेप्यास्त्र प्रहार गरेको छ ।

क्रुज क्षेप्यास्त्र परीक्षण गरेको केही दिनमै ब्यालिस्टिक क्षेप्यास्त्र प्रहार गरेको दक्षिण कोरियाली जोइन्ट चिफ्स अफ स्टाफ (जेसीएस) ले पुष्टि गरेको छ । जापानी प्रधानमन्त्री योशिहिदे सुगाले सो कार्यलाई ‘हिंसात्मक’ भन्दै यसले त्यस क्षेत्रको शान्ति र सुरक्षामा खतरा उत्पन्न गरेको बताए । क्षेप्यास्त्र कुन स्थान लक्षित थियो भन्ने प्रष्ट भएको छैन, तर जेएससीले आफ्नो सेना अमेरिकासँगको सहकार्यमा पूरै तयारी अवस्थामा रहेको जनाएको थियो । यो उत्तर कोरियाले यो हप्तामा गरेको दोस्रो हतियार परीक्षण हो । गएको सोमबार जापानसम्म प्रहार गर्न सक्ने लामो दूरीको क्रुज क्षेप्यास्त्र परीक्षण गरेको थियो ।

क्रुज क्षेप्यास्त्रले पनि आणविक हतियार वहन गर्न सक्ने विज्ञहरू बताउँछन् । तर, संयुक्त राष्ट्रसंघको सुरक्षा परिषद्ले क्रुज क्षेप्यास्त्र परीक्षण गर्न निषेध गरेको छैन । ब्यालिस्टिक क्षेप्यास्त्र परीक्षणले उत्तर कोरियाको आणविक क्रियाकलापलाई नियन्त्रण गर्ने संयुक्त राष्ट्रसंघको संकल्पलाई उल्लंघन गरेको छ । उत्तर कोरियाले खाद्यान्न अभाव र गम्भीर आर्थिक संकटको सामना गरिरहेको छ । यस्तो अवस्थामा कसरी हतियारहरूको विकास गर्न सक्षम भइरहेको छ भन्ने प्रश्नहरू उब्जाएको छ । उत्तर कोरियाले एक वर्षभन्दा बढी समय एक्लिएर बिताएको छ ।

उसले कोरोनाभाइरस फैलन नदिन निकट सहयोगी चीनसँगको अधिकांश व्यापार पनि कटौती गरेको छ । गएको मार्चमा प्योङयाङले प्रतिबन्धहरू अवज्ञा गर्दै ब्यालिस्टिक क्षेप्यास्त्र परीक्षण गरेको थियो । उक्त कदमको अमेरिका, जापान र दक्षिण कोरियाले कडा निन्दा गरेका थिए । गएको महिना संयुक्त राष्ट्रसंघको आणविक नियोगले उत्तर कोरियाले आणविक हतियारहरूको लागि प्लुटोनियम उत्पादन गर्न सक्ने आणविक भट्टी पुनः सञ्चालन गरेको देखिएको जनाएको थियो । -बीबीसीबाट

प्रतिक्रिया दिनुहोस

इटहरीमा ४० सहित प्रदेश १ मा ३२४ जनामा कोरोना संक्रमण

इटहरीः प्रदेश १ मा पछिल्लो २४ घण्टामा ३२४ जनामा कोरोना संक्रमण देखिएको छ । ९५८ जनाको पीसीआर परीक्षण ...

महालक्ष्मी विकास बैक र आर्या ब्युटि आर्टबीच ग्राहकलाई सहुलियत दिने सम्झौता

धरानः आर्या ब्युटि आर्ट एण्ड एकेडेमी र महालक्ष्मी विकास बैंकबीच ग्राहकलाई सहुलियत दिने विषयमा सम्झौत ...

खतरा महसुस हुनेबित्तिकै खबर गर्नुहोस्: प्रहरी

काठमाडौँः नेपालीहरूको मुख्य चाड नजिकिएसँगै नेपाल प्रहरीले आफ्नो निगरानी बढाउन थालेको छ । चाडपर्वमा ...

इष्ट टुरिजम इभेन्ट म्यानेजमेन्ट एण्ड मिडिया प्रालिद्धारा प्रकाशित

प्रदेश पोर्टल डटकम

इटहरी उपमहानगरपालिका, सुनसरी, कोशी, नेपाल

  • कम्पनी दर्ता नं. १९४७९७/०७५/०७६
  • स्थायी लेखा नं. ६०६६४३६५८
  • सूचना विभाग दर्ता नं. ९३०/०७५–०७६
  • प्रेस काउन्सिल दर्ता नं. १७१/०७५–०७६
  • फोन नं.: +९७७ २५ ५८२६९०
  • मोबाइल नं.: +९७७ ९८४२०३७४०२
  • इमेल: [email protected]
  • प्रधान सम्पादक: राजेश विद्रोही
  • प्रबन्धकः देवान किराती
  • प्रबन्ध सम्पादकः प्रेमप्रसाद बास्तोला
  • फाेटाे पत्रकारः गुरू ढकाल, वुलेट खतिवडा
  • मार्केटिङ प्रमुखः देवराज पुरी
  •   ९८६२३०११३८, ९८१९०३१०६२
  • संवाददाताः कविराज घिमिरे (धनकुटा)
  •   नमिन ढकाल (इलाम)
  •  राजन ठटाल (खोटागं)
  •   बाबुराम वास्ताेला (संखुवासभा)
  • स्वास्थ्य पृष्ठ संयोजकःडा. सुर्यबहादुर पराजुली (एमडी)
  • लोकसेवा पृष्ठ संयोजकः अनिल पोख्रेल (नायब सुब्बा)

Copyright © 2018 / 2021 - pradeshportal.com All rights reserved