एमाले सरकारले रोकेको उदयपुर विमानस्थलको काम अघि बढ्यो, बनाउन परराष्ट्रमन्त्रीको दबाब

  • पुस २८, २०७८
  • ९७ पटक पढिएको
  • प्रदेश पोर्टल
alt

काठमाण्डौंः परराष्ट्रमन्त्री डा. नारायण खड्काको दबाबमा उदयपुरस्थित जोगिदहमा नयाँ विमानस्थल निर्माण हुने भएको छ। चार वर्ष अगाडिदेखि निर्माणको पहल हुँदै आएपनि काँग्रेसको सरकार आएपछि सगरमाथा विमानस्थल निर्माण कार्यले गति लिने भएको छ।
तात्कालिन नेकपा एमालेको सरकार छँदा यो विमानस्थल निर्माण प्रक्रिया रोकिएको थियो। अहिले परराष्ट्रमन्त्री खड्काको पहलमा यो विमानस्थल निर्माण प्रक्रियालाई तीब्रता दिइएको हो।

दुई वर्ष अगाडि नै वातावरण प्रभाव (मूल्याङ्कन) इआइए सम्पन्न भइसकेको यो विमानस्थलको यतिखेर धमाधम डिजाइन तयार भइरहेको छ। हवाई नीतिमा उल्लेख गरिएको नियम अनुसार यो विमानस्थल निर्माण गर्न त्यति उपयुक्त नदेखिने बताउँदै उड्डयन मन्त्रालयका एक उच्चपदाधिकारीले बताए।

यो क्षेत्र नजिकै जनकपुर, राजविराज, विराटनगर विमानस्थल नजिकै छन्। विमानस्थल निर्माण गर्दा पहाडमा २० र तराईमा ४० नटीकल माइलको दुरी हुनपर्छ भनिएको छ। राजविराजको दुरी एक घण्टा रहेको छ। तर राजनैतिक हस्तक्षेपका कारण नीति विपरीत विमानस्थल निर्माण हुँदै आएको छ, ती अधिकारीले भने।

मन्त्रालयका अनुसार जोगीदहबाट राजविराज १४ नटीकल माइल र विराटनगर ३२ नटीकल माइल दुरीमा रहेको छ। सडक यातायातको पहुँच भएको गन्तब्यमा विमानस्थल बनाइहाल्नु पर्ने उपयुक्त नरहेको हवाई विज्ञ बताउँछन्।

प्राधिकरण यो विमानस्थल निर्माणका लागि वन विभागसँग छिट्टै छलफल गर्ने जनाएको छ। नेपाल सरकारको स्वीकृति पाइसकेको यो आयोजनाको ठेक्काका लागि अर्थमन्त्रालयबाट समेत सहमति पाइसकेको छ।

कुल एक सय ५५ हेक्टर सार्वजनिक जग्गामा निर्माण हुन लागेको विमानस्थलको धावनमार्गको लम्बाई १५ सय मिटरको हुने प्राधिकरणले जनाएको छ। यो विमानस्थलको निर्माण सम्पन्न भएसँगै विभिन्न वायुसेवा कम्पनीले एटिआर-७२, क्यु-४०० लगायत जहाजमार्फत नियमित उडान गर्न सक्ने प्राधिकरणले जनाएको छ।

वन विभागको सम्झौतासँगै सुरुमा रुख क्लियर गर्नेछौँ। बजेटको उपलब्धता अनुसार विमानस्थलको संरचना चरणवद्ध रुपमा अगाडि बढाइँदै लगिनेछ। निर्माण कार्य सुरु भएको चार वर्षमा विमानस्थल संचालनमा ल्याइने योजना रहेको छ, प्राधिकरणका एक कर्मचारीले बताए।

प्राधिकरणका अनुसार विमानस्थलको पहिलो चरणका लागि करिब दुई अर्ब रुपैयाँको लागत इस्टमेट गरिएको छ। साइट क्लियरेन्सका लागि नागरिक उड्डयन मन्त्रालयले छिट्टै वन विभागसँग छलफल गर्ने योजना रहेको प्राधिकरणले जनाएको छ। बिजमाण्डूबाट

प्रतिक्रिया दिनुहोस

प्रकाशपुर र बाङ्गेबाट प्रतिवन्धित लागु औषध सहित २ जना पक्राउ

बराहक्षेत्रः सुनसरीको बराहक्षेत्र नगरपालिका १० प्रकाशपुर र बराहक्षेत्र ७ बाङ्गेबाट नियन्त्रित लागु औ ...

उदयपुरमा भएको सवारी दुर्घटनामा १ को मृत्यु, ५ घाईते

उदयपुरः उदयपुरको कटारी नगरपालिका ४ स्थित सिद्दिचरण राजमार्गमा बलेरो गाडी दुर्घटना हुँदा १ जनाको मृत् ...

जग्गा कारोबारमा सुनसरी जिल्ला देशकै पहिलो, एक महिनामै ३२ सय लिखत पारित, इनरुवा र विराटनगरबाट एक महिनामै १०/१० करोड राजश्व

इहटरीः देशभरीको तथ्यांक हेर्दा सुनसरी जिल्लाको मालपोत कार्यालय इनरुवा जग्गा कारोबारमा एक नम्बरमा परे ...

इष्ट टुरिजम इभेन्ट म्यानेजमेन्ट एण्ड मिडिया प्रालिद्धारा प्रकाशित

प्रदेश पोर्टल डटकम

इटहरी उपमहानगरपालिका, सुनसरी, कोशी, नेपाल

  • कम्पनी दर्ता नं. १९४७९७/०७५/०७६
  • स्थायी लेखा नं. ६०६६४३६५८
  • सूचना विभाग दर्ता नं. ९३०/०७५–०७६
  • प्रेस काउन्सिल दर्ता नं. १७१/०७५–०७६
  • फोन नं.: +९७७ २५ ५८२६९०
  • मोबाइल नं.: +९७७ ९८४२०३७४०२
  • इमेल: [email protected]
  • प्रधान सम्पादक: राजेश विद्रोही
  • प्रबन्धकः देवान किराती
  • प्रबन्ध सम्पादकः प्रेमप्रसाद बास्तोला
  • फाेटाे पत्रकारः गुरू ढकाल, वुलेट खतिवडा
  • मार्केटिङ प्रमुखः देवराज पुरी
  •   ९८६२३०११३८, ९८१९०३१०६२
  • संवाददाताः कविराज घिमिरे (धनकुटा)
  •   नमिन ढकाल (इलाम)
  •  राजन ठटाल (खोटागं)
  •   बाबुराम वास्ताेला (संखुवासभा)
  • स्वास्थ्य पृष्ठ संयोजकःडा. सुर्यबहादुर पराजुली (एमडी)
  • लोकसेवा पृष्ठ संयोजकः अनिल पोख्रेल (नायब सुब्बा)

Copyright © 2018 / 2022 - pradeshportal.com All rights reserved