चार तलामाथिबाट धकेलेर पत्रकारको हत्या गर्नेलाई प्रजातन्त्र दिवसमा आममाफी

  • फाल्गुन ८, २०७८
  • १०४९ पटक पढिएको
  • प्रदेश पोर्टल
alt

इटहरीः चारतला माथिबाट मोरङ्गका पत्रकार यादव पौडेललाई धकलेर हत्या गरेको अभियोगमा थुनामा रहेका मुख्य आरोपी युवराज गिरीले आममाफी पाएका छन् ।

प्रजातन्त्र दिवसको अवसरमा राष्ट्रपति विद्यादेवि भण्डारीले कर्तव्य ज्यान सम्बन्धी कसूरमा कैद भुक्तान गरिरहेका गिरीलाई शनिबार माफी दिएकी हुन् । मन्त्रिपरिषद् बैठकको सिफारिसमा हरेक बर्ष असल चालचलन भएको भन्दै राष्ट्रपतिबाट भुक्तान हुन बाँकी कैदीको कैद माफी मिनाहा गर्ने चलन अनुरुप गिरीले आममाफी पाएका हुन् ।

गिरीसहित जिल्ला कारागार झापामा कैद सजाय भुक्तान गरिरहेका १६ जनाको बाँकी कैद माफी मिनाहा गर्ने निर्णय भएको छ । गिरीले झण्डै १० बर्ष सजाय काटिसकेको बताइएको छ ।

मोरङ घर भएका पत्रकार पौडेलको २१ चैत २०६८ मा झापाको बिर्तामोडस्थित बसपार्कमा हत्या गरिएको थियो ।
हत्या अभियोगमा पुनरावेदन अदालत, इलामले २५ असार २०७१ मा पत्रकार पौडेलको हत्यामा संलग्न गिरीसहित ३ जनालाई जन्मकैदको फैसला सुनाएको थियो ।

अदालतको आदेशपछि फूलमाया भनिने मञ्जु ढकाल (कार्की) थुनामा गएकी थिइन् भने सोमनाथ ढकाल फरार भएका थिए । अर्का आरोपी मदन राईलाई ६ महिनाको कैद सजाय सुनाइएको थियो ।

पौडेललाई बिर्तामोडको नयाँ बसपार्क नजिक पूर्वाञ्चल होटल एण्ड सेकुवा कर्नरको चौथो तलाबाट धकेलेर खसालेको मञ्जुले पनि बयान दिएकी थिइन् । चौथो तलामा भनाभन भइरहेका बेला गिरीले पत्रकार पौडेललाई खसालेर हत्या गरेको बयान सार्वजनिक भएको थियो ।

राजधानी दैनिक, एभिन्युज टेलिभिजन र झापाबाट प्रकाशित हुने मेची टाइम्स दैनिकमामा कार्यरत पत्रकारलाई चौथो तलाबाट धकेलेर झारेपछि शवलाई अन्तै लगेर फ्याकिएको थियो । अस्पतालको पोष्टमार्टम रिपोर्टमा पौडेलको टाउको र फोक्सोमा रगत जमेको, कलेजो फुटेको, तीनवटा करङ तथा देब्रे हात भाँचिएको उल्लेख थियो ।

प्रतिक्रिया दिनुहोस

पोल ढलेपछि चार दिनदेखि अन्धकारमा त्रियुगा र चौदण्डीगढी

इटहरीः गत शनिबार आएको बाढीले ढलेको पोल मर्मत नहुँदा उदयपुरको उदयपुरको त्रियुगा र चौदण्डीगढी नगरपालिक ...

प्रदेश १ की नवनियुक्त प्रदेशसभा सदस्य हिमा बस्नेतद्वारा सपथ ग्रहण

इटहरीः प्रदेश नम्बर १ को प्रदेशसभामा नवनियुक्त समानुपातिक सांसद हिमादेवी बस्नेत (भट्टराई) को सप ...

विमानस्थल र उपत्यका ट्राफिक प्रहरी डीआईजीको कमाण्डमा

इटहरीः सरकारले त्रिभुवन अन्तर्राष्ट्रिय विमानस्थल, नेपाल प्रहरी शिक्षालय भरतपुर र उपत्यका ट्राफ ...

इष्ट टुरिजम इभेन्ट म्यानेजमेन्ट एण्ड मिडिया प्रालिद्धारा प्रकाशित

प्रदेश पोर्टल डटकम

इटहरी उपमहानगरपालिका, सुनसरी, कोशी, नेपाल

  • कम्पनी दर्ता नं. १९४७९७/०७५/०७६
  • स्थायी लेखा नं. ६०६६४३६५८
  • सूचना विभाग दर्ता नं. ९३०/०७५–०७६
  • प्रेस काउन्सिल दर्ता नं. १७१/०७५–०७६
  • फोन नं.: +९७७ २५ ५८२६९०
  • मोबाइल नं.: +९७७ ९८४२०३७४०२
  • इमेल: pradeshportal@gmail.com
 
 
  • प्रबन्ध सम्पादकः प्रेमप्रसाद बास्तोला
  • प्रबन्धक :शुसिला उप्रेती
  • कार्यकारी सम्पादक :प्रकाश बञ्जरा
  • सह सम्पादक :शिशिर भट्टराई
  • प्रमुख संवाददाता :सुबिन बिश्वकर्मा
  • मार्केटिङ प्रमुख :देवराज पुरी
 

Copyright © 2018 / 2022 - Pradeshportal.com All rights reserved