धनकुटाः प्रहरीले धनकुटा जिल्लाको विभिन्न स्थानमा प्राकृतिक रूपमा उम्रिएका तथा अवैध रूपमा खेती गरिएको अन्दाजी १ हजार ८ सय बोट गाँजा फडानी गरी नष्ट गरेको छ ।
इलाका प्रहरी कार्यालय भेडेटारबाट गाँजा फँडानी गर्न गएको प्रहरी टोलीले धनकुटाको साँगुरीगढी गाउँपालिकाको टरीटोल र थलाङ तथा शहीदभूमि गाउँपालिका–२ को शम्भु गाउँ र ढोलमुखामा रहेका गाँजाका बोट फँडानी गरेको थियो ।
अवैध रूपमा लगाइएको तथा सो स्थानका भीर, पाखालगायत जङ्गलमा रहेका १ हजार ८ सय बोट गाँजा फँडानी गरी नष्ट गरेको जिल्ला प्रहरी कार्यालय धनकुटाले जनाएको छ ।
यसैगरी, प्रहरी चौकी हसनपुर भोजपुरबाट खटिएको प्रहरी टोलीले हतुवागढी गाउँपालिका–९ माङ्चवा एरियामा अवैध रूपमा लगाइएको तथा सो स्थानका भीर पाखा लगायत जङ्गलमा रहेको १ हजार ५ सय बोट गाँजा फँडानी गरी नष्ट गरेको जिल्ला प्रहरी कार्यालय भोजपुरले जनाएको छ ।
_1720278409.jpg)
