इनरुवाः सुनसरीको हरिनगरा–१ मा छिमेकीबीच वादविवाद भई कुटपिट हुँदा १ जना घाइते भएका छन् ।

शनिबार दिउँसो साढे १२ बजेको समयमा घरायसी विषयमा छिमेकीबीच विवादको क्रममा कुटपिट भएको थियो । विवादको क्रममा रहमान अन्सारी र जावेद अन्सारीले छिमेकी ५० वर्षीय महिरमान मियाँलाई कुटपिट गरेको प्रहरीले जनाएको छ । घाइतेलाई प्रहरी चौकी भुटाहाबाट खटिएको प्रहरी टोलीले तत्काल उद्दार गरी उपचारको लागि विराटनगरको गोल्डेन अस्पताल पठाएको थियो ।

कुटपिटमा संलग्न रहेका दुवै जनालाई तत्काल नियन्त्रणमा लिएको प्रहरीले जनाएको छ ।