इटहरीको एपेक्समा डवल डोज सुई हान्दा फेरी बिरामीको मृत्यु, पिडितद्धारा रातभर नाराबाजी

  • बैशाख २४, २०७९
  • ६३७८ पटक पढिएको
  • प्रदेश पोर्टल
alt

इटहरीः सुनसरीको इटहरीमा रहेको एपेक्स हस्पिटलको लापरबाहीले बिरामीको मृत्यु भएको भन्दै शुक्रबार रातभर मृतकका आफन्तले नारावाजी गरेका छन् ।

डाक्टरको लापरबाहीले आफ्नो बिरामीको मृत्यु भएको भन्दै पिडित परिवार आन्दोलनमा उत्रिएका हुन् । शुक्रबार सुन्दरहरैँचाको गछियाका २६ बर्षिय जोनसोन राईलाई उपचारका लागि एपेक्समा ल्याइएको थियो ।

सामान्य अवस्था पेट दुखेर उपचारको लागि ल्याइएको बिरामीलाई उपचारमा लापर्वाही गरेकोले मृत्यु भएको आफन्तहरूले आरोप लगाउदै अस्पताल बाहिर नारावाजी गरेका थिए ।

पेट दुख्यो भनि अस्पताल भर्ना गरिएको जोनसोनलाई चिकित्सकहरूले सुइ माथि सुइ थपिदिएको र क्षणभरमै शारिरिक रंग बदलिएर बिरामीको अवस्था गम्भिर भइ मृत्यु भएको मृतकका आफन्तले बताएका छन् ।

आन्दोलनरत पक्षसँग राती नै क्षतिपुर्ति वापत ५ लाख रुपैँया हस्पिटलले दिने सहमति भएपछि मृतकका परिवारले शव बुझेका छन् ।

घटनाको बारेमा एपेक्स हस्पिटलका अध्यक्ष राजेन्द्र पोखरेलले रक्सि खाएर कलेजो विग्रिसकेको बिरामी भएकाले उपचारमा कठिनाई भएको रिपोर्टले देखाएको बताए । उनले तुरुन्त रिफर गर्नुपर्ने बिरामीलाई ठिक गर्न सकिन्छ भनेर उपचार गर्न खोज्दा बिरामीको ज्यान गएको पोखरेलले प्रदेश पोर्टललाई बताए ।

बिरामीको मृत्यु भएपछि रातीनै मृतकका परिवारबिच छलफल गरेर छानविन गरौँ भन्ने भनाई आफुले राखेको भएतापनि पिडितले नमान्दा क्षतिपुर्ति वापतको रकम दिने सहमतिमा शव बुझिएको पोखरेलले बताएका छन् । नियमित मादकपदार्थ सेवन गरेर बिरामीको किड्नी नै ड्यामेज हुने अवस्थामा रहेको र कलेजो खराव भइसकेको कारण उपचार हुन नसकी बिरामीको मृत्यु भएको एपेक्स हस्पिटल प्रशासनले बताएको छ ।

गत चैत्र महिनामा पनि सोही अस्पतालमा उपचारको क्रममा इटहरी २ का ३ वर्षिय बालक सन्देश साहको मृत्यु भएको थियो । बालकलाइ चाहिने भन्दा बढी डोजका इन्जेक्सन लगाइएपछि मृत्यु भएको भन्दै आफन्तहरूले अस्पताल नै तोडफोड गरेका थिए । २ दिन सक्म चलेको आन्दोलनमा पिडितलाई क्षतिपुर्ती र काजक्रिया खर्च दिने सहमतिमा आन्दोलन रोकिएको थियो ।

प्रतिक्रिया दिनुहोस

गरिमा बैंकको वित्तीय साक्षरता कार्यक्रम इटहरीमा सम्पन्न, एक सय तीस बढीलाई बैंकिङ्ग शिक्षा

इटहरीः नेपाल राष्ट्र बैकबाट ‘ख’ बर्गको वित्तीय कारोबार गर्न इजाजत पाएको गरिमा विकास बैँक ...

शहरका बालेनले जित्दा हारेका अर्का गाउँका बालेन

इटहरीः मधेश प्रदेशको कुनै ठाउँबाट राजधानी पुगेका बालेन्द्र साह इन्जिनियर हुन् र त्यस्तै इन्जिनियर हु ...

कोसी अस्पतालमा फोहोर गर्नेलाई कारवाही, संरक्षण नगर्न दलहरुलाई आग्रह

विराटनगरः कोशी अस्पतालको सुधारको लागि सरसफाईबाट काम शुरु गर्ने अस्पताल प्रशासनले जनाएकोछ । तत्काल गर ...

इष्ट टुरिजम इभेन्ट म्यानेजमेन्ट एण्ड मिडिया प्रालिद्धारा प्रकाशित

प्रदेश पोर्टल डटकम

इटहरी उपमहानगरपालिका, सुनसरी, कोशी, नेपाल

  • कम्पनी दर्ता नं. १९४७९७/०७५/०७६
  • स्थायी लेखा नं. ६०६६४३६५८
  • सूचना विभाग दर्ता नं. ९३०/०७५–०७६
  • प्रेस काउन्सिल दर्ता नं. १७१/०७५–०७६
  • फोन नं.: +९७७ २५ ५८२६९०
  • मोबाइल नं.: +९७७ ९८४२०३७४०२
  • इमेल: pradeshportal@gmail.com
 
 
  • प्रबन्ध सम्पादकः प्रेमप्रसाद बास्तोला
  • प्रबन्धक :शुसिला उप्रेती
  • कार्यकारी सम्पादक :प्रकाश बञ्जरा
  • सह सम्पादक :शिशिर भट्टराई
  • प्रमुख संवाददाता :सुबिन बिश्वकर्मा
  • मार्केटिङ प्रमुख :देवराज पुरी
 

Copyright © 2018 / 2022 - Pradeshportal.com All rights reserved