औषधी व्यवसायीको भेलामा गठबन्धनका उम्मेदवार हेमकर्ण पौडेलले भने‘ तपाईहरु भिडियो खिचेर राख्नुहोस् पाँच बर्ष भित्र इटहरीलाई बदल्छौँ’

  • बैशाख २५, २०७९
  • ८९१ पटक पढिएको
  • प्रदेश पोर्टल
alt

इटहरीः लोकतान्त्रिक बाम गठबन्धनका तर्फबाट इटहरी उपमहानगरपालिकाका मेयरका उम्मेदवार हेमकर्ण पौडेलले पाँच बर्ष भित्र इटहरीको स्वरुप परिवर्तन गर्ने बताएका छन् ।

औषधी व्यवसायी संघ इटहरी नगरकमिटिको आयोजनामा शनिवार भएको भेलामा बोल्दै मेयरका उम्मेदवार पौडेलले आफुहरु गफ गर्न नभई विकास गर्न उम्मेदवार बनेको बताए । उनले अहिलेको इटहरी सरकारका प्रमुखहरु किन केही भएन भनेर सोध्यो भने बढि बोल्नु हुन्छ तपाई, भन्ने गरिएको बताए । ‘विकास भनेको बाटोमात्रै हो,भन्ने गरिएको छ सिँगै गठबन्धन के भन्दैछ भने बाटो बनाउनु मात्रै विकास होइन् । विकास भनेको मानवीयष् विकास हो ।’ पौडेलले भने ।

समयमा कानुन नवन्दा धेरै कुराहरु थन्किएर बसेको भन्दै पौडेलले एकाध मानिसका कारणले इटहरीमा विकास नभएको भन्दै यदि साँच्चै विकास चाहाने भए गठबन्धनलाई मत हाल्न आग्रह गरे । ‘तपाईहरु फोटो खिचेर भिडियो खिचेर राख्नुभए हुन्छ । हामी पाँच बर्षमा इटहरी बदल्छौँ । ’

IMG_0918

देशको उपल्लो क्षेत्रमा काम गरिसकेको मान्छे केशव कुमार विष्ट उपमेयरको रुपमा इटहरी बनाउँछु भनेर आउनु भएको भन्दै पौडेलले विष्टसँगको सहकार्यमा इटहरीले विकास र समृद्धि पाउने दावी समेत गरे ।

कार्यक्रममा सामुदायिक अस्पताल संचालक टंक दुलालले विगतमा इटहरी सरकारले औषधी व्यवसायीलाई आंतकित बनाउने गरी मापदण्ड विनै छापा मारेर दुःख दिएको बताउँदै सरकारलाई सघाउन व्यवसायीहरु समेत तयार रहेको सुनाए ।

कार्यक्रममा बोल्दै इटहरी वडा नम्बर ६ का वडा अध्यक्षका उम्मेद्वार दिवस पोखरेलले नेपाली कांग्रेस नेतृत्वको लोकतान्त्रिक गठबन्धनलाई जिताउन औषधी व्यवसायीहरुलाई आग्रह गरे । आफुसँग थुप्रै मेडिकल क्षेत्रका कुराहरु भएकाले आफु औषधी व्यवसायीको हितमा काम गर्ने बताए ।

IMG_0915

कार्यक्रममा नेपाली कांग्रेस इटहरीका संघ संस्था सम्वन्वय समितिका संयोजक इश्वरी पराजुली , औषधि व्यावसायी संघ जिल्ला कमिटी सुनसरीका अध्यक्ष रविन्द्र घिमिरेले चालु सरकार रहँदा त्रासका विच व्यवसाय गर्न व्यावसायीहरु बाध्य हुनुपरेको बताए ।

इटहरी सरकारले बनाउने पर्ने स्वास्थ्य सम्बन्धि कानुन नबनाएका कारण आफुहरुले दुख पाउनु परेको घिमिरेले सुनाए । उनले औषधि व्यवसायीहरुलाई समेत समेटेर कानुन निर्माणमा संलग्न गराउन घिमिरेले आग्रह गरे । कार्यक्रम औषधी व्यवसायी संघ इटहरीका अध्यक्ष संजिव खड्का र व्यवसायी इन्द्र श्रेष्ठको सयुक्त पहलमा आयोजना गरिएको थियो ।

IMG_0919

प्रतिक्रिया दिनुहोस

गरिमा बैंकको वित्तीय साक्षरता कार्यक्रम इटहरीमा सम्पन्न, एक सय तीस बढीलाई बैंकिङ्ग शिक्षा

इटहरीः नेपाल राष्ट्र बैकबाट ‘ख’ बर्गको वित्तीय कारोबार गर्न इजाजत पाएको गरिमा विकास बैँक ...

शहरका बालेनले जित्दा हारेका अर्का गाउँका बालेन

इटहरीः मधेश प्रदेशको कुनै ठाउँबाट राजधानी पुगेका बालेन्द्र साह इन्जिनियर हुन् र त्यस्तै इन्जिनियर हु ...

कोसी अस्पतालमा फोहोर गर्नेलाई कारवाही, संरक्षण नगर्न दलहरुलाई आग्रह

विराटनगरः कोशी अस्पतालको सुधारको लागि सरसफाईबाट काम शुरु गर्ने अस्पताल प्रशासनले जनाएकोछ । तत्काल गर ...

इष्ट टुरिजम इभेन्ट म्यानेजमेन्ट एण्ड मिडिया प्रालिद्धारा प्रकाशित

प्रदेश पोर्टल डटकम

इटहरी उपमहानगरपालिका, सुनसरी, कोशी, नेपाल

  • कम्पनी दर्ता नं. १९४७९७/०७५/०७६
  • स्थायी लेखा नं. ६०६६४३६५८
  • सूचना विभाग दर्ता नं. ९३०/०७५–०७६
  • प्रेस काउन्सिल दर्ता नं. १७१/०७५–०७६
  • फोन नं.: +९७७ २५ ५८२६९०
  • मोबाइल नं.: +९७७ ९८४२०३७४०२
  • इमेल: pradeshportal@gmail.com
 
 
  • प्रबन्ध सम्पादकः प्रेमप्रसाद बास्तोला
  • प्रबन्धक :शुसिला उप्रेती
  • कार्यकारी सम्पादक :प्रकाश बञ्जरा
  • सह सम्पादक :शिशिर भट्टराई
  • प्रमुख संवाददाता :सुबिन बिश्वकर्मा
  • मार्केटिङ प्रमुख :देवराज पुरी
 

Copyright © 2018 / 2022 - Pradeshportal.com All rights reserved