सरकारी गाडी तोडफोड गर्ने छोरालाई ग्रामथान गाउँपालिका अध्यक्षले गरेनन् कारबाही

  • असार ९, २०७९
  • १०५ पटक पढिएको
  • प्रदेश पोर्टल
alt

इटहरीः आफैँले प्रयोग गर्दै आएको सरकारी गाडी तोडफोड गरिदिने आफ्ना छोरालाई मोरङको ग्रामथान गाउँपालिकाका अध्यक्षले कारबाहीबाट उन्मुक्ति दिएको पाइएको छ ।

गाउँपालिकाको बजेट निर्माणजस्ता कार्य सम्पादन गर्नका लागि बनाइएका विभिन्न समितिहरुमा पालिका अध्यक्ष जयप्रकाश गच्छदार थारुले नेकपा एमालेका जनप्रतिनिधिहरुलाई समेत सहभागी गराएपछि त्यसो गर्नु गलत भएको भन्दै उनकै छोरा ज्योति गञ्छदार थारुले मङ्गलबार साँझ अध्यक्ष गच्छदारले प्रयोग गरिरहेको प्रदेश १ को १ झ ५७८ नम्बरको सरकारी गाडी तोडफोड गरिदिएका थिए ।

नेपाली कांग्रेसबाट पालिका अध्यक्षमा निर्वाचित आफ्ना पालिका अध्यक्ष अर्थात् आफ्ना बाबुले नेकपा एमालेका जनप्रतिनिधिलाई सरकारी संयन्त्रमा सहभागी गराउन नहुने तोडफोडमा संलग्न ज्योतिको जिकिर थियो । छोराले गाडी तोडफोड गरिदिएपछि उनीउपर कारबाहीको प्रकृया अगाडि बढाइएको बताएका अध्यक्ष थारुले त्यसो नगरी सर्वदलीय बैठकबाट गाडीको मर्मत खर्च भराई अन्य कुनै कारबाही नगराउने सहमति गरी छोरालाई फौजदारी कारबाही हुनबाट जोगाएका हुन् ।

‘एक पटकलाई गल्ती भइहाल्यो । अब दोहोर्याएमा कारबाही अघि बढाउने सहमति बैठकमा भएको छ,’ अध्यक्ष जयप्रकाशले भने, ‘गाडी मर्मत गर्दा लाग्ने खर्च बेहोर्ने सर्तमा सहमति भएको हो ।

गाउँपालिका स्थानीय सरकार नै भएकाले यति निर्णय लिन सक्ने अधिकार छ ।’ यता, नेकपा एमालेबाट निर्वाचित उपाध्यक्ष गुणवतिदेवी धामी थारुले भने आफ्ना छोरालाई कारबाहीबाट बचाउन अध्यक्ष थारुले आफूहरुलाई सहमतिमा आउन बाध्य पारेको बताइन् ।

प्रतिक्रिया दिनुहोस

धरानका मेयर हर्क साम्पाङको बोल्ड निर्णयः फोहोर गर्नेलाई ऐनअनुसार कारबाही गरिने

धरानः सडकमा जथाभावी फोहोर फाल्नेलाई धराान उपमहानगरपालिकाले कारबाही गर्ने तयारी गरेको छ । मङ्गलबार ब ...

सम्मानसँग स्वास्थ्योपचार पाउने भएपछि खुसी मुद्रामा पूर्वखेलाडी

विराटनगरः आफ्नो जीवनको लामो समय फुटबलमा व्यतित गरेका पूर्वफुटबल खेलाडी हरि खड्का आइतबार विराटनगरमा भ ...

राजस्थानी स्वाद चखाउन इटहरीमा खुल्यो राजस्थानी ढावा

इटहरी: भारतको हरियाणा तथा राजस्थानमा पाइने स्वादिलो खाना सेट ख्वाउन इटहरीमा राजस्थानी ढावा सञ् ...

इष्ट टुरिजम इभेन्ट म्यानेजमेन्ट एण्ड मिडिया प्रालिद्धारा प्रकाशित

प्रदेश पोर्टल डटकम

इटहरी उपमहानगरपालिका, सुनसरी, कोशी, नेपाल

  • कम्पनी दर्ता नं. १९४७९७/०७५/०७६
  • स्थायी लेखा नं. ६०६६४३६५८
  • सूचना विभाग दर्ता नं. ९३०/०७५–०७६
  • प्रेस काउन्सिल दर्ता नं. १७१/०७५–०७६
  • फोन नं.: +९७७ २५ ५८२६९०
  • मोबाइल नं.: +९७७ ९८४२०३७४०२
  • इमेल: pradeshportal@gmail.com
 
 
  • प्रबन्ध सम्पादकः प्रेमप्रसाद बास्तोला
  • प्रबन्धक :शुसिला उप्रेती
  • कार्यकारी सम्पादक :प्रकाश बञ्जरा
  • सह सम्पादक :शिशिर भट्टराई
  • प्रमुख संवाददाता :सुबिन बिश्वकर्मा
  • मार्केटिङ प्रमुख :देवराज पुरी
 

Copyright © 2018 / 2022 - Pradeshportal.com All rights reserved