इटहरीः संखुवासभामा स्कारपियोको ठक्करबाट एक बालिकाको मृत्यु भएको छ ।

हिजो दिउँसो ११ः१५ बजे जिल्लाको खाँदबारी नगरपालिका–९ मा बा.२० च ९५०२ नम्बरको स्कारपियोले पैदल यात्री षडानन्द नगरपालिका–५ भोजपुरकी भूमिका बिष्टकी ३ वर्षीया छोरी मनिषा बिष्टलाई ठक्कर दिँदा उनी घाइते भएकी थिइन् ।

उनलाई उपचारार्थ स्थानीय मनोकामना अस्पताल लगिएकोमा उपचारको क्रममा मृत्यु भएको १ नम्बर प्रदेश प्रहरी कार्यालय विराटनगरले जनाएको छ । ठक्कर दिने सवारी र त्यसका चालकलाई नियन्त्रणमा लिई घटनाबारे अनुसन्धान अगाडि बढाइएको प्रहरीले जनाएको छ ।