इटहरीः झापाको शिवसताक्षी नगरपालिका १ धरमपुर चर्चाबारीबाट लागूऔषध ब्राउनसुगरसहित एक जनालाई प्रहरीले पक्राउ गरेको छ ।

पक्राउ पर्नेमा सोही स्थान शुक्रबारे बस्ने २१ वर्षीय किरण श्रेष्ठ रहेको १ नम्बर प्रदेश प्रहरी कार्यालय विराटनगले जनाएको छ ।

हिजो साँझ ६ः०० बजे इलाका प्रहरी कार्यालय दमक र इलाका प्रहरी कार्यालय झिलझिलेबाट खटिएको प्रहरी टोलीले श्रेष्ठलाई लागूऔषध ब्राउनसुगर १ ग्राम ६०० मिलिग्रामसहित पक्राउ गरेको हो ।

पक्राउ परेका श्रेष्ठका सम्बन्धमा इलाका प्रहरी कार्यालय झिलझिलेबाट थप अनुसन्धान भइरहेको प्रहरीले जनाएको छ ।