इटहरीः झापाको मेचीनगर नगरपालिका–६ स्थित पुरानो मेची पुलबाट लागूऔषध ब्राउनसुगरसहित १ जनालाई प्रहरीले पक्राउ गरेको छ ।

पक्राउ पर्नेमा इलाम सन्दकपुर गाउँपालिका–२ बस्ने २७ वर्षीय रविन गुरूङ  रहेको १ नम्बर प्रदेश प्रहरी कार्यालय विराटनगरले जनाएको छ ।

आज दिउँसो १ः०० बजे इलाका प्रहरी कार्यालय काकडभिट्टा र लागूऔषध नियन्त्रण ब्युरो काकडभिट्टाबाट खटिएको संयुक्त प्रहरी टोलीले शङ्का लागेर जाँच गर्ने क्रममा गुरुङको साथबाट लागूऔषध ३ ग्राम ब्राउनसुगर बरामद गरी नियन्त्रणमा लिएको हो ।

ब्राउनसुगरसहित पक्राउ परेका गुरुङका सम्बन्धमा इलाका प्रहरी कार्यालय काकडभिट्टाबाट थप अनुसन्धान भइरहेको प्रहरीले जनाएको छ ।