इटहरीः झापाको मेचीनगर नगरपालिका ६ काँकडभिट्टा स्थित पुरानो मेची पुलबाट ब्राउनसुगरसहित २ जना भारतीय नागरिक पक्राउ परेका छन् ।

पक्राउ पर्नेमा भारत इस्ट सिक्किम ७३१३४ बस्ने ३० वर्षीय मेगवीर लिम्बू  र उनकै भाई २३ वर्षीय बुद्धवीर लिम्बू रहेको  १ नम्बर प्रदेश प्रहरी कार्यालय विराटनगरले जनाएको छ । हिजो अपरान्ह ४ः३० बजे इलाका प्रहरी कार्यालय काकडभिट्टा र लागूऔषध नियन्त्रण व्युरो काकडभिट्टाबाट खटिएको प्रहरी टोलीले उनीहरुलाई लागूऔषध ब्राउनसुगर ७ ग्रामसहित पक्राउ गरेको हो ।

पक्राउ परेका दुवै अभियुक्तहरुका सम्बन्धमा इलाका प्रहरी कार्यालय काकडभिट्टाबाट थप अनुसन्धान भइरहेको प्रहरीले जनाएको छ ।