इटहरीः मोटरसाइकल चोरी गर्ने ४ युवालाइ इटहरी प्रहरीले पक्राउ गरेको छ । मंसिर १७ गते इटहरी मेडिकल हल भन्दा अगाडिबाट पल्सर चोरी गर्ने र गत साउन १२ गते स्कुटर चोरी गर्नेलाइ इटहरी प्रहरीले पक्राउ गरेको हो ।

पक्राउ पर्नेमा गढी गाउँपालिका १ सुनसरीका १८ वर्षिय दामोदर चौधरी, सोहि ठाउँका १८ वर्षिय मनिष चौधरी र सोहि ठाउँका २३ वर्षिय बिनोद चौधरी रहेका छन् । त्यस्तै सोहि प्रकृतीको कार्य गरेको अभियोगमा गढी गाउँपालिका १ कै सरगम चौधरी र २० वर्षिय शनिदेलव पक्राउ परेका हुन ।

उनिहरुले को २७ प ८८७६ नम्बरको १ सय ५० सिसिको निलो–कालो रंगको पल्सल र निलो रंगको को २९ प ८९३६ नम्बरको स्कुटर चोरी गरेका इटहरी प्रहरी कार्यालयका प्रहरी निरिक्षक बुद्धि चौलागाईले जानकारी दिए ।
स्कुटर इटहरीकी सुस्मिता राईको र पल्सर वाइक इटहरीकै अर्जुन कुमार फुयालको रहेको प्रहरीले बताएको छ ।