झापाः झापाको दमक–७ बसपार्कबाट प्रहरीले लागूऔषधसहित आइतबार १ युवकलाई पक्राउ गरेको छ ।

लुपिजेसिक, फेनरागन, डाइजेपाम १०–१० एम्पुलसहित उनी पक्राउ परेका हुन् । बेलुका साढे ४ बजे गौरादह– १ डिपुचोक बस्ने २१ वर्षीय प्रशान्त श्रेष्ठलाई प्रहरीले पक्राउ गरेको हो ।

श्रेष्ठलाई इलाका प्रहरी कार्यालय दमकबाट खटिएको प्रहरी टोलीले पक्राउ गरेको हो । उनीमाथि अनुसन्धान भइरहेको प्रहरीले जनाएको छ ।