विर्तामोडः झापामा मलामी बोकेको बस दुर्घटना हुँदा २९ जना घाइते भएका छन् ।
झापाको शिवसताक्षी नगरपालिका कुञ्जिबारीबाट मलामी जाँदै गरेको बस पूर्वपश्चिम राजमार्ग शिवसताक्षी नगरपालिका ९ झर्नाबस्तीमा बुधबार दिउँसो १ बजे बस दुर्घटनामा परेको हो । घाइतेमध्ये तीन जनाको अवस्था भने गम्भीर रहेको प्रहरीले जनाएको छ ।
कनकाई नदीको मुक्तिघाटमा शवको दाहसंस्कार सकेर मलामी लिएर फर्किँदै गरेको ना ७ ख २६५१ नम्बरको बस सडक छेउको रुखमा ठोकिँएर दुर्घटनामा परेको हो । घाइतेमध्ये २७ जनाको विर्तामोडको बिएण्डसी अस्पतालमा उपचार भइरहेको र दुई जनाको भने स्थानीय अस्पतालमा उपचार भएको जिल्ला ट्राफिक प्रहरी कार्यालय झापाले जनाएको छ ।
अगाडि रहेको अर्को बसले आकस्मिक ब्रेक लगाउँदा मलामी बोकेको बस चालकले जोगाउन खोज्दा दुर्घटना भएको इलाका प्रहरी कार्यालय झिलझिलेले जनाएको छ । गोरखापत्रबाट
