केराबारीः मोरङको केराबारीबाट प्रहरीले मङ्गलबार २ नाल भरुवा बन्दुक बरामद गरेको छ ।

इलाका प्रहरी कार्यालय केराबारीबाट खटिएको प्रहरी टोलीले केराबारी –८ आमजुँगी जङ्गलबाट ती बन्दुक बरामद गरिएको प्रहरीले जनाएको छ । प्रहरीका अनुसार भरुवा बन्दुक बोकेर हिँडिरहेका २ जना अपरिचित व्यक्ति प्रहरीलाई देखेपछि बन्दुक छाडेर भागेका थिए ।

बरामद गरिएको बन्दुक इलाका प्रहरी कार्यालय केराबारीमा राखिएको र फरार व्यक्तिहरूको खोजी भइरहेको सो कार्यालयले जनाएको छ ।