झापाः झापाको मेचीनगर–६ भन्सार कार्यालय अगाडिबाट प्रहरी शुक्रबार लागूऔषध खैरो हेरोइनसहित १ युवकलाई पक्राउ गरेको छ ।

दिउँसो साढे १ बजे लागूऔषध नियन्त्रण ब्युरो काकडभिट्टाबाट खटिएको प्रहरी टोलीले लागूऔषध खैरो हेरोइनसहित बिर्तामोड–४ बस्ने १८ वर्षीय आरिप मोहम्मदलाई पक्राउ गरेको हो । पक्राउ परेका मोहम्मदको साथबाट प्रहरीले लागूऔषध २ ग्राम खैरो हेरोइन बरामद गरेको छ ।

बरामद लागूऔषधसहित उनलाई इलाका प्रहरी कार्यालय काँकडभिट्टामा राखी थप अनुसन्धान भइरहेको सो कार्यालयले जनाएको छ ।