प्रकाशपुरः एनआइसी एशिया बैंकले सुनसरीको वराहक्षेत्र नगरपालिकाको वडा नम्बर १० प्रकाशपुरमा नयाँ शाखा खोलेको छ । मेयर नीलम खनाल र एनआइसी एशिया प्रदेश १ प्रमुख लक्ष्मण चालिसेले प्रकाशपुर बजारमा नयाँ शाखाको संयुक्त रूपमा उद्घाटन गरेका हुन् ।
उद्घाटनमा मेयर खनालले आफ्नो क्षेत्रमा कमर्सियल बैंक थपिएकोमा खुशी व्यक्त गरेका थिए । सप्तकोशीको प्रभाव पर्ने भन्दै अधिकांश बैंक आउन आनाकानी गरेको बेला एनआइसी एशियाले शाखा शुरु गरेकोमा उनले धन्यवाद दिए । खनालले भने, ‘अब स्थानीय किसानहरूलाई कृषि ऋण लिन र बैंकिङ पद्धति बसाल्न बैंक सफल होस् ।’
उद्घाटनमा बोल्दै एनआइसी एशियाका प्रदेश १ प्रमुख लक्ष्मण चालिसेले प्रकाशपुरलाई आधार बनाएर सिङ्गो वराहक्षेत्रवासीलाई सेवा दिन पाउँदा खुशी लागेको बताएका थिए । कार्यक्रममा वडाका जनप्रतिनिधि, कोशी टप्पुका वार्डेन, शत्रुभञ्जन गुल्मका प्रतिनिधि तथा राजनीतिक र सङ्घसस्थाका प्रतिनिधि तथा स्थानीय उपस्थित थिए ।
_1720278409.jpg)
