भोजपुरः प्रहरीले वहुविवाहको आरोपमा कैद सजाय तोकिएका २ फरार अभियुक्तलाई पक्राउ गरेको छ ।

प्रहरी चौकी बालङ्खाको टोलीले उनीहरूलाई पक्राउ गरेको हो । वहुविवाह मुद्दामा जिल्ला अदालतबाट ११ महिना ११ दिन कैद तथा ५ हजार रुपैयाँ जरिवाना तोकिएका आमचोक गाउँपालिका–४ का ३० वर्षीय उमेश राई र ३१ वर्षीया डम्बरकुमारी राईलाई पक्राउ गरी जिल्ला प्रहरी कार्यालय पठाएको थियो । दुवै जनालाई अदालतको आदेशपछि कारागार चलान गरिएको छ ।