इलामः युवतीले विष खान नमानेपछि इलामको सन्दकपुर गाउँपालिकास्थित सुलुबुङका एक युवाले ती युवतीलाई कुटपिट गरी घाइते बनाएका छन् ।

सो गाउँपालिकाको वडा नं ३ का सागर सुवेदीले सोही स्थान बस्ने युवतीमाथि कुटपिट गरेका हुन् । जिल्ला प्रहरी कार्यालय इलामका अनुसार ३३ वर्षीय सागरले २७ वर्षीया ती युवतीलाई जङ्गलमा लगेर विष खुवाउन खोजेका थिए । तर युवतीले विष खान नमानेपछि सुवेदीले निर्घात कुटपिट गरेका थिए ।

कुटपिटपछि घाइते युवतीको जिल्ला अस्पतालमा उपचार सम्भव नभएपछि झापा लगिएको बताइएको छ । सागरलाई आवश्यक अनुसन्धानका लागि जिल्ला प्रहरी कार्यालय ल्याइएको बताइएको छ ।